नाशिक : राजमाता जिजाऊ यांनी प्रतिकुल परिस्थितीवर मात करीत शिवरायांना घडविले. त्याप्रमाणे, आजच्या काळातही खंबीरपणे परिस्थितीला सामोर जात आपल्या मुलांना समाजात नावलौकिक प्राप्त करण्याचे सामर्थ्य देणाऱ्या मातांना ‘जिजाऊ’ सन्मानाने गौरविण्यात आले.

शहर पोलीस आयुक्तालयातर्फे गौरविण्यात आलेल्या या सोहळ्यात मातांसह कुटूंबिय भारावून गेले होते. (Jijau honor to mothers who overcome adversity Honored by Police Commissionerate Nashik News)

राजमाता जिजाऊ यांच्या जयंतीनिमित्ताने शहर पोलीस आयुक्तालयातर्फे जिजाऊ सन्मान सोहळ्याचे आयोजन पोलीस मुख्यालयातील भीष्मराज बाम सभागृहात करण्यात आले होते.

यावेळी प्रमुख पाहुणे म्हणून पोलीस आयुक्त संदीप कर्णिक, मविप्रचे सरचिटणीस अॅड. नितीन ठाकरे, उद्योजक उद्धव आहिरे, डॉ. स्वप्निल बच्छाव, के के वाघ संस्थेचे अजिंक्य वाघ, बापूसाहेब चव्हाण, ॲड. शिशिर हिरे यांची उपस्थिती होती.

प्रास्ताविक पोलीस आयुक्त संदीप कर्णिक यांनी केले. तर, ॲड. नितीन ठाकरे यांनी, गौरविण्यात आलेल्या मातांच्या कर्तृत्वाला सलाम करीत विपरित परिस्थितीशी दोन हात करण्याचे सामर्थ्य मातांमध्येच असते असे प्रतिपादन केले.

यावेळी उपायुक्त प्रशांत बच्छाव, परिमंडळ एकचे उपायुक्त किरणकुमार चव्हाण, परिमंडळ दोनच्या उपायुक्त मोनिका राऊत, मुख्यालयाचे उपायुक्त चंद्रकांत खांडवी, सहायक आयुक्त डॉ. सीताराम कोल्हे आदींची उपस्थिती होती.

या मातांचा झाला सन्मान

इंदूमती पगार, शोभा चव्हाण, सुनंदा पाटील, छाया पाटील, अलका पगार, संगीता देशमुख, शोभा पगार, सुशिला हांडोरे.