Nashik ACB : नाशिक लाचलुचपत प्रतिबंधक विभागाच्या (एसीबी) रिक्त असलेल्या अप्पर अधिक्षकपदी माधव ज्ञानोबा रेड्डी यांची नियुक्ती करण्यात आली आहे. श्री. रेड्डी यांची सोलापूर शहरात सहायक पोलिस आयुक्तपदावरून नाशिकला बदली आहे. (madhav gyanoba reddy appointed as Upper Superintendent of ACB Nashik News)

हेही वाचा : Credit Card फसवणूक....काय घ्याल काळजी?

येथील अप्पर पोलिस अधिक्षक नारायण न्याहाळदे नुकतेच सेवानिवृत्त झाल्याने त्यांच्या रिक्त जागी शासनाने रेड्डी यांची नियुक्ती केली आहे. गृह विभागाने रविवारी (ता.११) १९ पोलिस उपअधीक्षक, सहायक पोलिस आयुक्त दर्जाच्या अधिकाऱ्यांच्या बदल्या केल्या आहेत.

त्यात रेड्डी यांची एसीबीत बदली झाली आहे. नाशिकहून सहायक पोलिस आयुक्तपदी पदोन्नती झालेले साजन सोनवणे यांची धुळे जिल्ह्यातील साक्री येथे उपविभागीय पोलिस अधिकारी म्हणून नियुक्ती झाली आहे.

तर नंदुरबारच्या उपविभागीय पोलिस अधिकारीपदी चांदूर रेल्वेचे (अमरावती) संजय महाजन यांची नियुक्ती झालेली आहे. पाचोरा येथील उपविभागीय पोलिस अधिकारी संदीप गावित यांची जळगाव शहर उपविभागीय पोलिस अधिकारीपदी नियुक्ती करण्यात आली आहे.