MBA Admission 2023 : पदव्‍युत्तर पदवी अभ्यासक्रम असलेल्‍या एमबीएच्‍या प्रवेश प्रक्रियेंतर्गत नोंदणी सुरू आहे. (MBA admission opportunity till 19 july nashik news)

सध्याच्‍या वेळापत्रकानुसार बुधवार (ता.१९) पर्यंत सीईटी परीक्षा दिलेल्या विद्यार्थ्यांना नोंदणी करता येणार आहे.

पहिल्‍या कॅप राउंडच्‍या प्रक्रियेला २८ जुलैपासून सुरवात होईल. व्‍यवस्‍थापनशास्‍त्र शाखेतील पदव्‍युत्तर पदवी एमबीए अभ्यासक्रमाच्‍या प्रवेशासाठी नोंदणी सुरु आहे.

हेही वाचा : Credit Card फसवणूक....काय घ्याल काळजी?

गेल्‍या २८ जूनपासून नोंदणी सुरु असून, वाढीव मुदतीनुसार बुधवारी (ता.१९) सायंकाळी पाचपर्यंत आहे.

स्‍क्रुटीनी प्रक्रियेतून कागदपत्र पडताळणीसाठी गुरुवार (ता.२०) पर्यंत मुदत आहे. २२ जुलैला तात्‍पुरती गुणवत्ता यादी प्रसिद्ध केली जाणार आहे.

यादीबाबत तक्रार, हरकती नोंदविण्यासाठी २३ ते २५ जुलै अशी मुदत असेल. अंतिम गुणवत्ता यादी २७ जुलैला प्रसिद्ध होणार असून, यानंतर कॅप राउंडच्‍या प्रक्रियेला सुरवात होईल.