सुरगाणा/सापुतारा : सापुतारा घाट मार्ग दिवसेंदिवस खडतर होत असून रविवारी (ता.७) आणखी एक अपघात होऊन खासगी प्रवासी वाहतूक करणारी बस दरीत कोसळून दोन मुलांचा मृत्यू झाला. तर ५८ प्रवासी जखमी झाले आहेत. सुरतच्या बापा सीताराम ट्रॅव्हल्सची लक्झरी बस ६० प्रवाशांना घेऊन परतत होती. (2 children died after bus fell into valley)

दरम्यान, सापुतारा घाट रस्त्यावर चालकाचे स्टेअरिंगवरील नियंत्रण सुटल्याने लक्झरी बस खोल दरीत कोसळली. वीरा जवळून गेल्यावर लोक मदतीसाठी धावले. दरम्यान, १०८ चे पथकही घटनास्थळी पोचले. जखमींना रुग्णालयात हलवले.

चौक बाजार-उधना, सुरत येथील प्रवाशांची बापा सीताराम ट्रॅव्हल्सची लक्झरी बस क्र. (जीजे ०५ बी. टी. ९३९३) रविवारी सापुतारा येथे गेलेल्या प्रवाशांना घेऊन सापुतारा-मालेगाव राष्ट्रीय महामार्गावरून जात होती. सायंकाळी सहाच्या सुमारास वळण घेताना लक्झरी बस चालकाचे स्टेअरिंगवरील नियंत्रण सुटले आणि बस संरक्षण भिंतीला धडकून दरीत कोसळली. (latest marathi news)

लक्झरी बसच्या चालकाने दुसऱ्या वाहनाला ओव्हरटेक करताना अपघात झाल्याची माहिती मिळाली आहे. या लक्झरी बसमध्ये अंदाजे ६० प्रवासी होते. अपघात होताच सापुताराकडे आलेल्या इतर पर्यटकांनी वाहने थांबवून मदतीसाठी धाव घेतली.

ही घटना समजताच सापुताराचे पोलिस निरीक्षक भोया कर्मचाऱ्यांसह घटनास्थळी पोचले. दरम्यान, जखमींना शामगव्हाण सीएचसीमध्ये हलवले आहे. याप्रकरणी सापुतारा पोलिसांनी अपघाताचा गुन्हा दाखल करून पुढील कारवाई केली.