Nashik News : गेल्या दोन महिन्यांत इयत्ता अकरावीच्या तीन नियमित फेऱ्यांनंतर ४४.६४ टक्के जागांवर प्रवेश निश्चिती झाली तर, अद्यापही ६२.२२ टक्के जागा रिक्त आहेत. तत्पूर्वी या रिक्त जागांसाठी विशेष फेरी-१ चे वेळापत्रक जाहीर झाले आहे. त्यानुसार बुधवार (ता.३१) पर्यंत विद्यार्थ्यांना ऑनलाइन अर्ज भरण्याची संधी उपलब्ध होती. (Admission confirmed in 44 percent of 11th seats)

शैक्षणिक वर्ष २०२४-२५ साठी शहरातील ६९ महाविद्यालयांमध्ये इयत्ता अकरावीच्या २८ हजार २८० जागा उपलब्ध आहेत. १० हजार ६८४ विद्यार्थ्यांनी प्रवेशावर शिक्कामोर्तब केले आहे. तर निम्म्यापेक्षा जास्त अर्थात १७ हजार ५९६ जागा अद्यापही रिक्त आहेत.

त्यात कॅपच्या १५ हजार ३३२ तर कोटाच्या २ हजार २५७ जागांचा समावेश आहे. या कालावधीत कॅपप्रमाणे कोटा अंतर्गत प्रवेशाची प्रक्रिया राबविण्यात येणार आहे. विशेष फेरी-१ची प्रक्रिया पूर्ण झाल्यानंतर ८ ऑगस्टला रात्री ८ वाजेपर्यंत कोट्यातील रिक्त जागा ‘कॅप’कडे प्रत्यार्पित केल्या जाणार आहेत. (latest marathi news)

विशेष फेरीचे नियोजन

-१ ते ४ ऑगस्ट पात्र उमेदवारांची गुणवत्ता यादी करणे

-विभागीय कॅप समित्यांकडून अलॉटमेंटचे पूर्वपरीक्षण

-५ ऑगस्टला सकाळी दहा वाजता गुणवत्ता यादी जाहीर

- विद्यार्थ्यांना ८ ऑगस्ट प्रवेशाची अंतिम मुदत