Nashik Air Service : विमान सेवेचा विस्तार होत असताना आता नाशिक ते इंदूर या मार्गावर देखील विमान सेवेला रविवार (ता. ३१) पासून सुरवात होत आहे. ओझर विमानतळ येथून आठवड्यातील तीन दिवस ही हवाई सेवा उपलब्ध राहणार आहे. ओझर विमानतळ येथून सद्यःस्थितीत वेगवेगळ्या मार्गांवर विमानसेवा कार्यरत आहे. (Nashik Air service to Indore will start marathi news)

या मार्गांमध्ये आणखीन एका ठिकाणाची भर पडली आहे. रविवार (ता.३१) पासून तर २५ ऑक्टोबरपर्यंत नाशिक ते इंदूर या मार्गावर विमानसेवा उपलब्ध राहणार आहे. मंगळवार, गुरुवार आणि शनिवार असे तीन दिवस ही सेवा उपलब्ध असेल. नाशिकहून सकाळी ११ वाजून ५ मिनिटांनी आणि १२ वाजून २० मिनिटांनी विमान उड्डाण करणार आहे.  (latest marathi news)

अहमदाबाद, नागपूर, गोवा, हैदराबाद या पाठोपाठ आता इंदूर साठी देखील विमानसेवा सुरू होत आहे. सद्यःस्थितीत इंदूरसाठी थेट रेल्वे मार्ग नसल्याने प्रवाशांना वेगवेगळ्या रेल्वे स्थानकावरून होत इंदूरला पोहोचावे लागते. रस्ते मार्गाने मुंबई-आग्रा राष्ट्रीय महामार्गावरून खासगी बस सेवेच्या माध्यमातून प्रवास करावा लागत आहे. अशात विमान सेवा सुरू झाल्याने प्रवाशांची सुविधा होणार आहे.