Nashik NMC Medical Recruitment : महापालिकेच्या वैद्यकीय विभागातील मानधनावरील १६९ पदांसाठी अर्ज दाखल करण्याच्या शुक्रवारी (ता. ४) शेवटच्या दिवशी चार हजार ७८ अर्ज प्राप्त झाले आहेत. ‘एएनएम’ पदासाठी सर्वाधिक ७७५ , तर स्टाफ नर्ससाठी ७४७ अर्ज प्राप्त झाले. रिक्तपदे सरळसेवेने भरती करण्याची परवानगी नसल्याने वैद्यकीय सेवा सक्षम करण्यासाठी मानधनावर भरण्याचा निर्णय घेतला. (Applications for NMC Medical Recruitment 4 thousand)

१८९ मंजूर पदांपैकी सध्या ६५ डॉक्टर कार्यरत आहेत. १२४ रिक्तपदांसाठी मानधनावर भरती होत आहे. १०६ आरोग्यवर्धिनी केंद्रे व २५ आपला दवाखान्यासाठी डॉक्टरांची पदे भरली जाणार आहेत. ४७ आरोग्यवर्धिनी केंद्रे व १४ आपला दवाखाने सुरू आहेत.

चार ऑक्टोबरला अर्ज दाखल करण्याची शेवटच्या मुदतीत शल्यचिकित्सक पदासाठी- ४, वैद्यकशास्त्र तज्ञ- ७, स्त्रीरोगतज्ज्ञ- १७, बालरोगतज्ज्ञ- ४, क्ष-किरण तज्ज्ञ- ४, नेत्ररोगतज्ज्ञ- ७, नाक कान घसा तज्ज्ञ- ४, मानसोपचारतज्ज्ञ- १, त्वचा रोग तज्ज्ञ- १०, एमडी मायक्रो बॉयलॉजिस्ट- ०, रक्त संक्रमण अधिकारी- ५, अस्थिरोगतज्ज्ञ- ११, भूलतज्ज्ञ- १३, वैद्यकीय अधिकारी (एमबीबीएस)- १००, वैद्यकीय अधिकारी (बीएएमएस) - ३३७, स्टाफ नर्स- ७४७, एएनएम- ७७५, मिश्रक- ६२२, प्रयोगशाळा (रक्तपेढी) तंत्रज्ञ- २००, परिचर प्रयोगशाळा- ६१५, संगणक ऑपरेटर- ५९५ असे एकूण ४०७८ अर्ज प्राप्त झाले.