Nashik Rahul Gandhi Bharat Jodo Nyay Yatra : कॉंग्रेस नेते राहुल गांधी दौऱ्यासाठी भद्रकाली पोलिसांकडून ३० ठिकाणी ११६ बॅरिकेटिंग पॉइंट उभारण्यात आले आहेत. वरिष्ठ अधिकाऱ्यांकडून दौरा मार्गाची पाहणी करत प्रात्यक्षिक करण्यात आले. मुंबई नाका आणि सरकारवाडा पोलिस ठाणे हद्दीतीलही काही रस्त्यांना बॅरिकेटिंग करण्यात आले आहे. भारत जोडो न्याय यात्रेनिमित्त कॉंग्रेसचे नेते राहुल गांधी गुरुवारी (ता.१४) नाशिक दौऱ्यावर येत आहेत. (Nashik Bharat Jodo Nyay Yatra barricading points for Rahul Gandhi marathi news)

दुपारी २ वाजता द्वारका भागात त्यांचे आगमन होणार आहे. द्वारका, सारडा सर्कल, खडकाळी सिग्नल, शालिमार ते शिवाजी रोडपर्यंत रोड शो होणार आहे. त्यांच्या सुरक्षिततेच्या दृष्टीने तसेच कायदा सुव्यवस्थेचा प्रश्न निर्माण होऊ नये, यासाठी पोलिसांकडून खबरदारी घेण्यात आली आहे. भद्रकाली पोलिसांकडून त्याचे नियोजन केले आहे. यात्रेत होणारी गर्दी लक्षात घेता भद्रकाली, मुंबई नाका आणि सरकारवाडा पोलिस ठाणे हद्दीत येणाऱ्या एकूण ३० मार्गांवर ११६ ठिकाणी बॅरिकेटिंग पॉइंट उभारले आहे.

संपूर्ण भाग वाहतुकीसाठी बंद केला आहे. सारडा सर्कल येथून यात्रा फाळके रोड, फुले मार्केट, दूध बाजार, खडकाळी भागातून काढण्यात येणार होती. दरम्यान बडी दर्गा येथे दर्शनाचेही नियोजन प्रशासकीय कारणास्तव आणि रमजान पर्व सुरू असल्याने या मार्गावर होणारी गर्दी लक्षात घेता यात्रेतून हा भाग वगळला आहे. त्यामुळे द्वारका येथून सारडा सर्कल, शालिमार आणि शिवाजी रोड अशी थेट यात्रा होणार आहे. (latest marathi news)

असे आहेत बॅरिकेटिंग पॉइंट

बॅरिकेटिंग पॉइंट बॅरिकेटिंग संख्या

द्वारका सर्कल चौक.............०५

कावेरी हॉटेल शेजारी.............०१

कावेरी होतील समोरील दुभाजक......०३

रेणुका नगर...................०१

बेल मास्तर चौक................०३

मोठा राजवाडाकडे जाणारा रस्ता......०२

आधार हॉस्पिटल................०३

इगतपुरी चाळ..................०१

साक्षी टी पॉइंट.................०३

सारडा सर्कल चौक...............१५

श्रीकृष्ण बेकरी..................०२

आनंद फोम....................०२

रोटरी हॉलकडे जाणारा मार्ग..........०२

पंचशील नगरकडे जाणारा मार्ग.........०२

गंजमाळ पोलिस चौकी..............०२

अमर पेपर.....................०२

मास्टर मॉलकडे जाणारा मार्ग.........०२

हिरा कुशन.....................०२

खडकाळी सिग्नल.................१२

शिवसेना भवन...................०२

शालिमार चौक...................१०

दीपसन्स कॉर्नर...................०३

डॉ. बाबासाहेब आंबेडकर पुतळा शेजारी....०४

सीबीएस सिग्नल...................१०

कान्हेरे वाडीकडून येणारा रस्ता..........०२

त्र्यंबक नाका सिग्नल................१०

अण्णाभाऊ साठे चौक...............१०