नाशिक : जेलरोड परिसरातील महाजन हॉसिपटलच्या पाठीमागील रस्त्यावर संशयित टोळक्याने एकाच्या कारच्या पाठीमागील काचेवर कोयत्याने मारून नुकसान केले. तसेच कारमधील दाम्पत्याला शिवीगाळ करीत जीवे मारण्याची धमकी दिली. प्रशांत चंद्रकांत गांगुर्डे (रा. संजय गांधी नगर, जेलरोड) यांच्या फिर्यादीनुसार, बुधवारी (ता२) दुपारी दोनच्या सुमारास ते पत्नीसह कारने जात होते. (car was attacked by knife and threatened to kill in jail road )

त्यावेळी रस्त्यात संशयित साहिल उनवणे हा हातात कोयता घेऊन परिसरात दहशत माजवित होता. त्यावेळी त्याने गांगुर्डे यांच्या कारच्या मागच्या काचेवर कोयता मारून नुकसान करीत, त्यांच्या समवेतच्या दोघा संशयितांनी कारमधील दाम्पत्याला शिवीगाळ करीत जीवे मारण्याची धमकी दिली. याप्रकरणी उपनगर पोलिसात गुन्हा दाखल केला आहे.