Nashik News : पिकअप मध्ये डांबून कत्तलीसाठी चाललेल्या नऊ गायींची सूटका वाद तालुका चांदवड येथील ग्रामस्थांनी केली आहे. पहाटे पाच वाजेच्या सुमारास अतिवेगाने मालेगाव मनमाड महामार्गाच्या दिशेने जात असलेली पिकअप गाडी ग्रामस्थांना दिसली. आपला पाठलाग होत असल्याचे लक्षात आल्यानंतर चालकाने काही मिनिटांतच ती गाडी परत फिरून झाडीच्या दिशेने फिरवली. (9 cows that were driven to slaughter in pick up)

पुढून गाडी अडवली जाऊ शकते या भितीने चालक गाडी आडमार्गाने टाकून गाडी सोडून फरार झाला. वाद येथील सरपंच प्रविण आहेर, पोलीस पाटील दिनकर आहेर, रमण हारपडे , शिवाजी खताळ, काळू वाकचौरे आदी ग्रामस्थांनी तात्काळ या गाडीचा शोध घेत गायींची सूटका केली. अत्यंत निर्दयपणे कोंबून भरलेल्या या गायींची अवस्था पाहून ग्रामस्थांनी हळहळ व्यक्त केली.

या घटनेची माहिती पोलिस पाटील दिनकर आहेर यांनी चांदवड पोलिसांना दिल्यानंतर गायींसह पिकअप चांदवड पोलिस ठाण्यात जमा करण्यात आली. (latest marathi news)

यावेळी पोलीस निरीक्षक कैलास वाघ यांनी तात्काळ पशू वैद्यकीय अधिकाऱ्यांना बोलावून घेत गायींवर उपचार केले.

या सर्व गायी गोशाळेत पोहोचवणार असून याबाबत गुन्हा दाखल करण्याचे काम सुरू असल्याची माहिती पोलिस निरीक्षक कैलास वाघ यांनी दिली.