Nashik Police : मोकळी मैदाने, क्रीडांगणे अन्‌ उद्यानांमध्ये पार्ट्या करीत मौजमस्ती करीत धिंगाणा घालणाऱ्यांसह चौका-चौकात टवाळखोरी करणार्यांना पोलिसांनी कारवाई करीत दंडुक्याचा प्रसाद दिला. शहर पोलिसांनी आयुक्तालय हद्दीत सर्च ऑपरेशन राबवून सुमारे ५०० टवाळखोरांविरोधात प्रतिबंधात्मक कारवाई केली. (Nashik crime action to goons City Police marathi news)

पोलीस आयुक्त संदीप कर्णिक यांच्या आदेशानुसार अचानकपणे टवाळखोरांविरोधात कारवाई सुरू केली. या कारवाईमध्ये परिमंडळ एकमध्ये २८९ तर, परिमंडळ दोनमध्ये २०५ टवाळखोरांविरोधात कारवाई करण्यात आलेली आहे.

परिमंडळ एकअंतर्गत सरकारवाडा, भद्रकाली, गंगापूर, आडगाव, म्हसरुळ, मुंबईनाका आणि पंचवटी पोलीस ठाण्याच्या हद्दीत पोलीस ठाणेनिहाय व शहर गुन्हेशाखेच्या पथकाने कारवाई केली तर, परिमंडळ दोनअंतर्गत अंबड, सातपूर, इंदिरानगर, उपनगर, नाशिकरोड व देवळाली कॅम्प  या पोलीस ठाण्याच्या हद्दीत पोलीस ठाणेनिहाय व शहर गुन्हेशाखेच्या गुंडा व दरोडाविरोधी पथकांनी कारवाई केली. पोलिसांच्या या कारवाईमुळे मोकळ्या मैदाने, क्रीडांगणे, उद्यानांमध्ये टवाळखोरी करीत पार्ट्या करणार्यांना चाप बसला आहे. (latest marathi news)

कारवाईची आकडेवारी

परिमंडळ - १.......परिमंडळ-२........एकूण

२८९........२०५........४९४