Nashik Crime News : कत्तलीसाठी जनावरांची वाहतूक केल्याप्रकरणी सात जणांवर गुन्हा दाखल झाला आहे. ही कारवाई सोमवारी (ता. ४) धारणगाव चौफुली येथे करण्यात आली. गोवंश कत्तलीसाठी निर्दयपणे सहा वाहनांमध्ये कोंबून आणि उपाशीपोटी नेत असताना, लासलगाव पोलिसांनी सहा वाहनांसह १८ लाख २० हजारांचा मुद्देमाल ताब्यात घेऊन गुन्हा दाखल केला आहे. (nashik Crime against transporting animals marathi news)

धरणगाव खडक चौफुली येथे चार बोलेरो आणि दोन छोटा हत्ती, अशा सहा वाहनांमध्ये २७ बैल व गायी निर्दयतीने कोंबून, उपाशीपोटी कत्तलीसाठी वाहतूक करताना लासलगावचे सहाय्यक पोलिस निरीक्षक भास्करराव शिंदे यांच्या मार्गदर्शनाखाली पोलिसांनी सहा वाहनासह १८ लाख २० हजारांचा मुद्देमाल जप्त केला. (Latest Marathi News)

याबाबत पोलिस नाईक कैलास बिडकर यांनी दिलेल्या फिर्यादीवरून सिंकदर धोंडू शेख (वय २२, रा. आहिल्यादेवीनगर, निफाड), रवींद्र सुरेश धुमाळ (२६, रा. जळगाव फाटा, निफाड), मोईद्दीन दादाभाई कुरेशी (४८, रा. आहिल्यादेवीनगर), साहेबराव दिनकर लोंढे (३०, रा. कोळवाडी, ता. निफाड), शुभम राजेंद्र सोनवणे (२०, रा. चिंचखेड रोड, माऊलीनगर पिंपळगाव बसवंत), महेश नवनाथ आल्हाट (२१, रा. उगाव रोड, निफाड), सुनील पंडित सोनवणे (२६, रा. बेघर वस्ती, उगाव रोड, ता. निफाड) यांच्याविरुद्ध गुन्हा दाखल झाला आहे.