Nashik News : जुना आग्रा महामार्गावरील हॉटेल संदीपसमोर असलेल्या कालिका मिसळपाव सेंटरची चौघांनी तोडफोड केल्याची घटना घडली. यावेळी संशयितांनी गल्ल्यातील चार हजारांची रोकडही लंपास केली असून, याप्रकरणी मुंबई नाका पोलिसात गुन्हा दाखल करण्यात आला आहे. (Kalika Misalpav Center vandalized)
संजय गणपत साळगे (रा. कालिका मंदिरामागे, नाशिक) यांच्या फिर्यादीनुसार, त्यांचे मुंबई नाका येथील हॉटेल संदीपसमोर कालिका मिसळपाव सेंटर आहे. सोमवारी (ता.१०) रात्री ते दुकान बंद करून घरी गेले होते. रात्री पावणे बाराच्या सुमारास त्यांना फोन आला की, त्यांच्या मिसळपाव दुकानाची तोडफोड करण्यात आली आहे.
त्यांनी तत्काळ घटनास्थळी धाव घेतली असता, संशयित किरण सुभाष भामरे, ओम लोंढे, विक्रांत सोनवणे, रोहीत माने यांनी त्यांच्या मिसळपाव दुकानाची, टेबल-खुर्च्यांचीच तोडफोड केली. (latest marathi news)
तसेच, दुकानाच्या गल्ल्यातील चार हजार रुपये, दोन गॅस सिलेंडर चोरून नेले. यात त्यांचे सुमारे ९ हजारांचे नुकसान झाले. याप्रकरणी मुंबई नाका पोलिसात गुन्हा दाखल करण्यात आला असून, हवालदार टेमगर हे तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.