नाशिक : गंगापूर पोलिस ठाण्याच्या हद्दीतील शिवाजीनगर परिसरातून १७ वर्षीय अल्पवयीन मुलीस फुस लावून पळवून नेण्यात आले होते. याप्रकरणी गुन्हा दाखल होताच, गंगापूर पोलीस आणि अनैतिक मानवी वाहतूक प्रतिबंध कक्षाच्या पथकाने कसून तपास करीत संशयित मुलासह अल्पवयीन मुली अहमदाबाद येथून ताब्यात घेतले. (Nashik Crime Kidnapped minor girl in custody from Ahmedabad marathi news)(latest marathi news)

अपहृत मुलीच्या पालकांनी दिलेल्या फिर्यादीनुसार, त्यांच्या १७ वर्षीय मुलीचे १३ तारखेला संशयित मुलाने फुस लावून पळवून नेले होते. या गुन्ह्याचा समांतर तपास अनैतिक मानवी वाहतूक प्रतिबंध कक्षाच्या पथकाने सुरू केला. पथकाने अपहृत मुलगी व संशयिताचे मोबाईलचे सातत्याने तांत्रिक विश्लेषण करून ते अहमदाबाद (गुजरात) येथे असल्याबाबत निष्पन्न झाले होते.

पथकाने अहमदाबाद गाठून अपहृत मुलीचा सलग दोन दिवस मानवी कौशल्याचा वापर करून शोध घेतला असता अपहृत मुलगी व संशयिताला (रा. बिहार) सानंद जीआयडीसी, अहमदाबाद येथून ताब्यात घेतले आणि नाशिकला आणले. पुढील तपासासाठी गंगापूर पोलिसांच्या ताब्यात दोघांना देण्यात आले आहे. (latest marathi news)

सदरची कामगिरी पोलीस आयुक्त संदीप कर्णिक, उपायुक्त प्रशांत बच्छाव, सहायक आयुक्त डॉ. सीताराम कोल्हे, पोलीस निरीक्षक सुभाष पवार, उपनिरीक्षक वैशाली भाबड यांच्या मार्गदर्शनाखाली हवालदार गणेश वाघ, समीर चंद्रमोरे, वैशाली घरटे यांनी बजावली.