Nashik Crime News : अवघ्या १० वर्षांच्या चिमुरडीवर अत्याचार करणार्या सावत्र बापाला नाशिक जिल्हा व सत्र न्यायालयाने जन्मठेपेची शिक्षा ठोठावली आहे. तसेच, २० हजारांचा दंड केला आहे. याप्रकरणी २०१८ मध्ये उपनगर पोलिसात गुन्हा दाखल झाला होता. (Step father sentenced to life imprisonment in torture case)

सुनील टिप्पा पंथीकर (३७, रा. टागोरनगर) असे जन्मठेपेची शिक्षा ठोठावण्यात आलेल्या आरोपीचे नाव आहे. पीडितेच्या फिर्यादीनुसार, ती १० वर्षांची असताना आरोपी सावत्र बापाने तिच्यावर २००९ ते २०१८ पर्यंत लैगिंक अत्याचार केले होते.

पीडितेची आई कामावर गेल्यानंतर सावत्र बाप तिच्यावर अत्याचर करायचा. याप्रकरणी ऑगस्ट २०१८ मध्ये उपनगर पोलिसात पोक्सो व बलात्काराचा गुन्हा दाखल झाला होता. तत्कालीन सहायक निरीक्षक संध्या तेली यांनी गुन्ह्याचा तपास करीत आरोपीविरोधात सबळ पुराव्यांसह दोषारोपपत्र न्यायालयात दाखल केले होते. (latest marathi news)

या खटल्याची सुनावणी जिल्हा व सत्र न्यायालयाच्या न्यायधीश श्रीमती व्ही.एस. मलकापट्टे-रेड्डी यांच्यासमोर झाली. यादरम्यान, सरकार पक्षातर्फे अतिरिक्त सरकारी अभियोक्ता श्रीमती सुलभा सांगळे यांनी कामकाज पाहताना पीडितेची आईच फितुर झाली होती.

तरीही सबळ पुराव्यांत आरोप सिद्ध झाल्याने न्यायालयाने आरोपीला जन्मठेप व २० हजारांच्या दंडाची शिक्षा ठोठावली आहे. पैरवी अधिकारी म्हणून हवालदार एस.एन. जगताप, तनजीम खान, दिनकर खैरनार यांनी पाठपुरावा केला.