Nashik News : शहरातील वाढते अपघात आणि त्यात विनाहेल्मेट दुचाकीस्वारांचे प्राणाकिंत अपघाताचे प्रमाण दिवसेंदिवस वाढत आहे. वाहतुकीचे नियम पाळतानाच हेल्मेटचा वापरही दुचाकीस्वारांना करावा, यासाठी नाशिक शहर वाहतूक पोलीस शाखेकडून मोहीम राबवून कारवाई केली जाते. त्याअंतर्गत गुरुवारी (ता. २३) दुचाकीस्वारांमध्ये जनजागृती व्हावी, यासाठी शहर वाहतूक शाखा आणि फिजिक्स क्लासेस यांच्या संयुक्त विद्यमाने विनाहेल्मेट चालकांना हेल्मेटचे वाटप करण्यात आले. (Nashik Distribution of helmets to helmetless drivers)

नाशिक शहर वाहतूक पोलीस शाखा आणि फिजिक्स क्लासेस यांच्या संयुक्त विद्यमाने गुरुवारी (ता. २३) गंगापूर नाका येथे विनाहेल्मेट चालकांना हेल्मेटचे वाटप करण्यात आले. यावेळी शहर वाहतूक शाखा विभाग दोनचे वरिष्ठ पोलीस निरीक्षक दिवाणसिंग वसावे, उपनिरीक्षक कांडेकर, हवालदार माळेगावे, हवालदार बागुल, फिजिक्सवाला क्लासेसतर्फे रवी थोरात, राजेश मिश्रा आदी उपस्थित होते. (latest marathi news)

यावेळी सुमारे १५० दुचाकीस्वारांना हेल्मेट प्रदान करण्यात आले. तसेच, यावेळी दुचाकीस्वारांना भविष्यातील भीषण अपघातापासून बचाव करण्यासाठी हेल्मेट वापरबाबत समुपदेशन करण्यात आले. अशास्वरुपाची मोहीम शहरात ठिकठिकाणी राबविली जाणार आहे. तसेच, यावेळी बेशिस्त वाहनचालकांचेही समुपदेशन करण्यात आले. हेल्मेट मिळाल्यानंतर दुचाकीस्वारांनाही सुखद धक्का मिळाला. अनेकांनी पोलिसांच्या या उपक्रमांचे कौतूक केले.