नाशिक : नाशिक औष्णिक वीज केंद्रातील १३२ के व्ही सब स्टेशन मधील दोन पॉवर ट्रान्सफॉर्मर जळाल्याने नाशिक शहरातील उपनगरांसह सुमारे ऐंशी गावांचा विद्युत पुरवठा खंडित झाला आहे. नाशिक औष्णिक वीज केंद्रातील महापारेषण कंपनीच्या १३२ के व्ही उपकेंद्रातील दोन पॉवर ट्रान्सफॉर्मर जळाल्याने नाशिक रोड व आसपासच्या उपनगरासह सामन गाव, चांदोरी, शिंदे, नाशिक एक, नाशिक दोन आदी आठ सबस्टेशन अंतर्गत गावांच्या वीज पुरवठ्यावर झाला आहे. ( Electricity supply to 80 villages including Nashik city has been disrupted due to burst power transformer)

सहा जून , सात जून व काल झालेल्या पावसामुळे उकाड्यात प्रचंड वाढ झाली आहे व त्यात वीज पुरवठा खंडित असल्यामुळे नागरिकांवर घामाघूम व्हावे लागत आहे. सध्याच्या मितीला जिथून वीज पुरवठा घेणे शक्य आहे असे आडगाव, टाकळी, अंबड या सब स्टेशन वरून वीज पुरवठा घेता येणं शक्य आहे तेथून वीज पुरवठा घेणे सुरू होते. हे पॉवर ट्रान्सफॉर्मर चे काम युद्ध पातळीवर सुरू असून उद्या संध्याकाळपर्यंत हे काम पूर्ण होईल अशी माहिती सूत्रांनी दिली.