Nashik News : लोकसभा निवडणुकीचा प्रचार संपला तरी महायुतीचे उमेदवार हेमंत गोडसे यांच्यासह अन्य तीन उमेदवारांना खर्च निरीक्षकांनी पुन्हा नोटीस बजावली आहे. गोडसेंना उद्योगमंत्र्यांच्या सभेचा खर्च सादर करण्याचे, तर वाजेंना बाईक रॅलीचा खर्च सादर करण्याचे आदेश दिले आहेत. नाशिक लोकसभा मतदारसंघातील ३१ उमेदवारांच्या खर्चाची तिसरी तपासणी शनिवारी (ता. १८) शासकीय विश्रामगृहात झाली. (Expenditure inspectors notice to 4 candidates)

या वेळी खर्च निरीक्षक प्रवीण चंद्रा, सागर श्रीवास्तव यांसह जिल्हा नोडल अधिकारी डॉ. भालचंद्र चव्हाण, संपर्क अधिकारी विजयकुमार कोळी, सुरेश महंत, दत्तात्रेय पाथरुट, एन. व्ही. कळसकर, प्रकाश बानकर, चैतन्य परदेशी, अनिल कोमजवार, सुभाष घुगे, विनोद खैरनार, किशोर पवार, सुनील कोतवाल, प्रशांत घोलप उपस्थित होते.

नाशिकमधील ३१ पैकी २८ उमेदवारांनी खर्च सादर केला. भाग्यश्री अडसूळ, अमोल मेढे व झुंझार आव्हाड यांनी खर्च सादर न केल्यामुळे त्यांना नोटीस बजावली आहे. गोडसेंच्या प्रचारासाठी उद्योगमंत्री उदय सामंत यांनी नाशिकमध्ये दोन दिवस सभा घेतली. त्याचा खर्च गोडसेंनी सादर केलेला नाही. त्यांना हा खर्च सादर करण्याची नोटीस बजावली आहे. (latest marathi news)

मुख्यमंत्री एकनाथ शिंदे यांनी घेतलेल्या मेळाव्याचा खर्च सादर केला आहे. वाजेंनी विनापरवानगी बाईक रॅली काढली. या रॅलीचा खर्च त्यांनी सादर केला आहे. मतदानानंतर अंतिम खर्च सादर करण्याचे आदेश खर्च निरीक्षकांनी दिले आहेत.

उमेदवारनिहाय खर्च

राजाभाऊ वाजे : ६१ लाख ९ हजार ९६८

हेमंत गोडसे : ५३ लाख ४५ हजार ६७३

सिद्धेश्वर स्वामी : १७ लाख ७१ हजार २९३

शांतिगिरी महाराज : १५ लाख ६५ हजार १७५

करण गायकर : सहा लाख ५१ हजार