Nashik News : अनुसूचित जमाती या घटकांसाठी राखीव असलेल्या दिंडोरी लोकसभा मतदारसंघात गेल्या चार निवडणुकांमध्ये मतदानाची टक्केवारी कायम वाढती राहिली आहे. यावरुन आदिवासी बहुल मतदारांचा उत्साह कायम असल्याचे दिसून येते. दिंडोरी लोकसभा मतदारसंघ २००९ मध्ये अस्तित्वात आला. स्थापनेपासूनच मतदारांमध्ये कमालीचा उत्साह असल्याचे मतदानाच्या टक्केवारीवरुन स्पष्ट होते. (Four times increase in voting in Dindori Constituency)

२०२४ च्या लोकसभा निवडणुकीतदेखील मतदानाची टक्केवारी वाढणार असल्याचे सांगितले जात होते. मात्र, अवघे एक टक्का वाढ झाली. गत पंचवार्षिकमध्ये दिंडोरीत मतदानाची टक्केवारी ६५.६५ इतकी होती, तर यंदा ६६.७५ टक्के इतके मतदान झाले.

१९५१ पासून २००४ पर्यंत मालेगाव या अनुसूचित जमाती मतदारसंघाच्या एकूण १४ लोकसभेच्या निवडणुका झाल्या. २००९ नंतर दिंडोरी स्वतंत्र मतदारसंघ म्हणून अस्तित्वात आला आणि मतदारसंघाची यंदाची चौथी निवडणूक पार पडली. २००९ पासून या मतदारसंघात झालेल्या मतदानाचा टक्का हा वाढतच गेला आहे. (latest marathi news)

वर्ष......उमेदवारांची संख्या.....मतदानाची टक्केवारी

२००९.........०९.......................४७.५७

२०१४...........११.......................६३.४१

२०१९..........८.........................६५.६५

२०२४..........१६.......................६६.७५