Nashik Fraud Crime News : कोल्हापूर येथील वैद्यकीय महाविद्यालयात व्यवस्थापन कोट्यातून एमबीबीएस शिक्षणक्रमासाठी प्रवेश मिळवून देण्याचे आमिष दाखवून महिलेकडून ३४ लाख ६१ हजार रुपये उकळणार्याद दोघांविरोधात मुंबई नाका पोलिसात फसवणुकीचा गुन्हा दाखल करण्यात आला आहे. सचिन वामन म्हात्रे (रा. रिजेन्सी सोसायटी, दावडीगाव, डोंबिवली, ठाणे), कल्पना रघुनाथ पाटील (रा. प्रतिक रेसीडेन्सी, नाशिकरोड) असे दोघा संशयितांची नावे आहेत. (Nashik Fraud Crime 34 Lakhs defrauded from two by luring MBBS admission)

विशाखा दिनकर वानखेडे (रा. सोनाली अपार्टमेंट, कॉलेजरोड) यांच्या फिर्यादीनुसार, त्यांच्या मुलाला एमबीबीएस करायचे होते. त्यासाठी त्यांना संशयितांनी कोल्हापूर येथील डॉ. डी. वाय. पाटील मेडिकल कॉलेजमध्ये एमबीबीएससाठी व्यवस्थापन कोट्यातून प्रवेश मिळवून देण्याचे आश्वासन दिले.

संशयितांनी श्रीमती वानखेडे यांचा विश्वासही संपादन केला. या प्रवेशासाठी संशयितांनी २९ सप्टेंबर २०२२ रोजी पुणा रोडवरील हॉटेल कामत येथे ३४ लाख ६१ हजार रुपये घेतले. यानंतर प्रवेश होणे अपेक्षित असताना संशयितांकडून श्रीमती वानखेडे यांच्या मुलाचे एमबीबीएसला प्रवेश झाला नाही.   (latest marathi news)

उलट त्यांची फसवणूक झाली. याप्रकरणी त्यांनी विचारणा केली असता, संशयितांनी त्यांनाच दमदाटी केली. याप्रकरणी अखेर त्यांनी मुंबई नाका पोलिसात तक्रार दिली. त्यानुसार फसवणुकीचा गुन्हा दाखल करण्यात आला आहे. उपनिरीक्षक निसार शेख हे तपास करीत आहेत.