Nashik News : नाशिकरोड परिसरातील सुभाषरोडवरील ड्राय फ्रुटूस्‌ खरेदीसाठी गेलेल्या ८२ वर्षीय वयोवृद्धाला त्यांच्या स्कुटरजवळ पैसे पडल्याची बतावणी करीत स्कुटरमधील ४९ हजार रुपये ठेवलेली पिशवीच लंपास केल्याचा प्रकार घडला आहे. याप्रकरणी नाशिकरोड पोलिसात गुन्हा दाखल करण्यात आला आहे. (Nashik Fraud Crime Extortion of cash from an elderly person)
भगवान हिंदूराव पाटील (८२, रा. शिवतिर्थ बंगला, करंजकर नगर, दसकगाव) यांच्या फिर्यादीनुसार, ते मंगळवारी (ता. ७) दुपारी एक वाजेच्या सुमारास सुभाष रोड परिसरातील रिपोटे कॉर्नरजवळील सागर ड्रायफ्रुटस्‌च्या दुकानात ड्रायफ्रुटस्‌ खरेदी करण्यासाठी केले होते.
त्यावेळी अज्ञात ३० ते ४० वयोगटातील संशयिताने वयोवृद्ध पाटील यांच्या स्कुटरजवळ पैसे पडल्याची बतावणी करीत, तुमची पैशांची पिवशी चोरीला गेली असे सांगितले.
त्यावेळी पाटील यांनी स्कुटरची डिक्की उघडली असता, त्यावेळी संशयिताने पाटील यांचे लक्ष विचलित केले आणि स्कुटरच्या डिक्कीतून रोकड असलेली पिशवी हातचलाखीने लंपास केली.
पिशवीत ४९ हजारांची रोकड व बँकेची कागतपत्रे, एटीएम कार्ड होते. याप्रकरणी नाशिकारोड पोलिसात गुन्हा दाखल करण्यात आला असून, उपनिरीक्षक बिडकर हे तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.