नाशिक : पर्यावरणपूरक गणेशोत्सव साजरा करण्याच्या महापालिकेच्या उपक्रमांतर्गत गणेशमूर्ती थेट नदी पाण्यात विसर्जित न करता दान करण्याचे आवाहन करण्यात आले होते. त्यास भाविकांचा प्रतिसाद दरवर्षी वाढत आहे. यंदा ५६०१ मूर्ती अधिक प्राप्त झाल्या आहेत. या वर्षी एकूण दोन लाख पाच हजार ८५४ मूर्तींचे संकलन करण्यात आले. पर्यावरण संरक्षणाच्या दृष्टीने व जलप्रदूषण टाळण्यासाठी मूर्तीदान व निर्माल्य दानाचे आवाहन महापालिकेकडून करण्यात आले होते. (Collection of more than 2 lakh idols by Municipal Corporation )

अनंत चतुर्दशीच्या दिवशी आवाहनाला नाशिककरांनी भरभरून प्रतिसाद दिला. एकूण दोन लाख पाच ८५४ मूर्तींचे संकलन करण्यात आले. मागील वर्षांपेक्षा पाच हजार ६०१ अधिक मूर्तीदान करण्यात आल्या. मागील वर्षात दोन लाख २५३ मूर्तींचे संकलन करण्यात आले होते. गणेश विर्सजनासाठी महापालिकेने २९ नैसर्गिक, तर ५६ कृत्रिम तळांच्या ठिकाणांची यादीही जाहीर केली होती. सहा विभागांपैकी पंचवटी विभागातून यंदाही सर्वाधिक ७८ हजार ६७७ मुतींचे संकलन करण्यात आले. पूर्व विभागातून सर्वात कमी १० हजार ४२८ मूर्तींचे संकलन झाले.

निर्माल्य संकलनात वाढ

मागील वर्षी १५३.१ ५५ मेट्रिक टन निर्माल्याचे संकलन करण्यात आले. या वर्षी १७४. ७८० मेट्रिक टन निर्माल्य संकलन करण्यात आले. पीओपी मुर्ती विघटनासाठी घरच्या घरी विसर्जनाकरिता ७२५ किलो अमोनिअम बायकार्बोनेट पावडरचे वाटप करण्यात आले. (latest marathi news)

विभागनिहाय संकलन

विभाग मुर्ती संख्या

पंचवटी ७८,६७७

सिडको २५,२६१

नाशिक रोड ४५,१३८

पूर्व १०,४२८

सातपूर ३१,११९

पश्चिम १५,२३१

यांचे सहकार्य

‘सकाळ’ माध्यम समूहाचे यीन, महाविद्यालयातील एनसीसी कॅडेट्स, के. व्ही. नाईक कॉलेज, के. के. वाघ अभियांत्रिकी व पॉलिटेक्निक कॉलेज, मराठा विद्या प्रसारक संस्था, संदीप फाउंडेशन, गोखले एज्युकेशन संस्था, रोटरी क्लब आदी.

''मागील वर्षांपेक्षा अधिक मूर्तींचे संकलन झाले आहे. पर्यावरणपूरक उत्सवासाठी नागरिकांचा प्रतिसाद वाढतं आहे. संकलित केलेल्या मूर्ती एकत्रित करून विधीवत विसर्जित करण्यात आले.''- डॉ. आवेश पलोड, संचालक, घनकचरा व्यवस्थापन विभाग.