Nashik News : महात्मानगर परिसरातील कॅफेमध्ये चोरीछुप्यारितीने सुरू असलेल्या बेकायदेशीर हुक्का पार्लर सुरू असल्याचे आढळून आले आहे. गंगापूर पोलिसांनी सदरील कॅफेवर छापा टाकून कारवाई करीत दोघांविरोधात गुन्हा दाखल केला असून, ३८ हजार ४०० रुपयांचा मुद्देमालही जप्त केला आहे. (Gangapur Police Raid in cafe Hookah Parlours in Mahatma Nagar)

पोलिसांच्या या कारवाईमुळे शहरात अद्यापही चोरीछुप्यारितीने बेकायदेशीररित्या हुक्का पार्लर सुरू असल्याचे अधोरेखित झाले आहे. हार्दिक अतुल आहिरे (२५, रा. अभिनव रिव्हर व्हयु, समर्थनगर, काठेगल्ली, द्वारका), कल्पेश सुभाष गांगुर्डे (३८, रा. प्रियतमा अपार्टमेंट, स्नेहनगर, म्हसरुळ) अशी गुन्हा दाखल करण्यात आलेल्या संशयितांची नावे आहेत.

पोलीस अंमलदार गणेश रहेरे यांच्या फिर्यादीनुसार, महात्मानगर येथील भोसला मिलिटरी स्कुलच्या गेटजवळ असलेल्या १२ टू १२ कॅफे याठिकाणी बेकायदेशीररित्या हुक्का पार्लर सुरू असल्याची खबर मिळाली होती. (latest marathi news)

त्यानुसार गंगापूर पोलिसांच्या पथकाने शुक्रवारी (ता. ५) या कॅफेवर छापा टाकला असता, त्यावेळी बेकायदेशीररित्या हुक्का पार्लर सुरू असल्याचे आढळून आले. पोलिसांनी कॅफेतून साडेचार हजार रुपयांचे तीन हुक्का पॉट यासह ब्रेन फ्रिजअप फ्लेवर.

लश आईस फ्लेवर, केवा थ्री पान फ्लेवर या प्रतिबंधित तंबाखुजन्य पदार्थांसह साहित्य असा ३८ हजार ४०० रुपयांचा मुद्देमाल जप्त केला आहे. याप्रकरणी गंगापूर पोलिसात दोघा संशयितांविरोधात गुन्हा दाखल करण्यता आला आहे.