सिन्नर : तालुक्यातील मेंढी गावच्या परिसरात बिबट्याने शेळीला ठार केल्याची घटना नुकतीच घडली असून. या घटनेने परिसरात भितीचे वातावरण पसरले आहे. मेंढी गावच्या परिसरात प्रवीण मुरलीधर गीते यांच्या गोठ्यात शेळ्या असून. आपल्या घराशेजारी गोठ्यात शेळ्या बांधलेल्या होत्या. बुधवारी मध्यरात्रीच्या सुमारास अचानक पणे बिबट्याने रात्री शेळ्यांवर हल्ला करून एक शेळी जखमी तर या हल्ल्यात शेळी ठार केली. (Goat killed and one goat injured in leopard attack in sinnar )

कुत्र्यांचा भुंकण्याचा आवाज आल्यानंतर गीते कुटुंब जागे झाल्यावर बाहेर आल्यानंतर त्यांनी गोठ्यात हे दृश्य पाहताच. आरडाओरडा करताच बिबट्याने तेथून धुम ठोकली. घटनास्थळी वनविभागाच्या कर्मचाऱ्यांनी भेट देऊन पंचनामा केला आहे. या घटनेने परिसरात भितीचे वातावरण पसरले आहे. वनविभागाने तातडीने मदत देण्याची मागणी गिते यांनी केली आहे.

पंधरा दिवसांपासून पिंजऱ्याची मागणी

मेंढी परिसरात सतत बिबट्याचा वावर वाढत असून अनेकांना बिबट्याने दर्शन दिल्याने या बिबट्याचा बंदोबस्त करण्यासाठी मेंढी परिसरातील नागरिकांनी मागील 10 ते 15 दिवसांपासून वन विभागाला पिंजऱ्या लावण्याची मागणी केली असून लवकरात लवकर मेंढी गावाच्या परिसरात पिंजरा लावावा अशी मागणी जोर धरू लागली आहे. (latest marathi news)