Nashik Hanuman Jayanti 2024 : हनुमान जन्मोत्सवानिमित्त (Hanuman Jayanti 2024) शहरातून काढण्यात आलेल्या मुख्य मिरवणुकीसह सर्व मंदिरांलगत पोलिसांचा चोख बंदोबस्त होता. पोलिस अंमलदार, होमगार्ड यांचे फिक्स पॉइंट नेमण्यात आले होते. जुने नाशिक, भद्रकाली, मेनरोड, पंचवटीत मिरवणुकीनिमित्त कडेकोट पोलीस बंदोबस्त होता. (Nashik Hanuman Jayanti 2024 procession news)

हनुमान जन्मोत्सवानिमित्त आयोजित मिरवणुकीला दुपारी चार वाजता वाकडी बारव येथून प्रारंभ झाला. वाकडी बारव येथून निघालेली मिरवणूक महात्मा फुले मंडई, दूधबाजार, संत गाडगे महाराज पुतळा, मेनरोड, धुमाळ पॉइंटमार्गे एम. जी. रोडवरुन अशोक स्तंभ, रविवार कारंजा, मालेगाव स्टँडकडून मार्गस्थ झाली. (latest marathi news)

रामकुंड येथे मिरवणुकीची सांगता करण्यात आली. दरम्यान, सारडा सर्कल, वाकडी बारव, मौलाबाबा दर्गा, दूधबाजार, बादशाही कॉर्नर, गाडगे महाराज पुतळा, तिवारी लेन, धुमाळ पॉइंटसह सर्व प्रमुख चौकांत पोलिसांचा बंदोबस्त लावण्यात आलेला होता.

संवदेनशील ठिकाणी राज्य राखीव पोलिस दलाच्या तुकडीला पाचारण करण्यात आले होते. जुने नाशिक परिसरात चार पोलिस निरीक्षकांसह सात सहायक व उपनिरीक्षक, ७१ अंमलदार, १३ महिला अंमलदार आणि राज्य राखीव पोलिस दलाची एक तुकडी तैनात होती.