Nashik News : कळवण शहराची पालकसंस्था असलेल्या नगरपंचायतीच्या अद्ययावत सुसज्ज नूतन प्रशासकीय इमारतीचा लोकार्पण सोहळा उपमुख्यमंत्री अजित पवार यांच्या हस्ते शुक्रवारी (ता. २) होत असल्याची माहिती नगराध्यक्ष कौतिकमहाराज पगार यांनी दिली. (Kalwan Nagar Panchayat new building will be inaugurated tomorrow)

ग्रामपालिकेतून नगरपंचायतीमध्ये रुपांतरीत झालेल्या कळवण नगरपंचायतीची अद्ययावत प्रशासकीय इमारत गांधी चौकात साकारली असून, या इमारतीचे काम पूर्ण होत आले आहे. ही वास्तू अद्ययावत व सर्वसोयींयुक्त आहे. कॉर्पोरेट लुक असलेल्या नूतन प्रशासकीय इमारतीचे लोकार्पण उपमुख्यमंत्री अजित पवार यांच्या हस्ते होणार असून, अध्यक्षस्थानी आमदार नितीन पवार असतील.

कार्यक्रमास राज्याचे अन्न व नागरी पुरवठामंत्री छगन भुजबळ, पालकमंत्री दादा भुसे, महिला व बालविकासमंत्री अदिती तटकरे. (latest marathi news)

विधानसभा उपाध्यक्ष नरहरी झिरवाळ, खासदार भास्कर भगरे, आमदार डॉ. राहुल आहेर, आमदार मणिकराव कोकाटे, आमदार दिलीप बनकर, आमदार सुहास कांदे, आमदार सरोज अहिरे, आमदार दिलीप बोरसे.

राष्ट्रवादी काँग्रेसचे जिल्हाध्यक्ष रवींद्र पगार, भाजपचे जिल्हाध्यक्ष शंकर वाघ, शिवसेनेचे जिल्हाप्रमुख भाऊलाल तांबडे आदी मान्यवर उपस्थित राहणार आहेत. कार्यक्रमास उपस्थित राहण्याचे आवाहन नगराध्यक्ष कौतिक महाराज पगार यांनी केले आहे.