Junior Collage Admission : अकरावीच्या ऑनलाइन केंद्रिभूत प्रवेश प्रक्रियेअंतर्गत दुसऱ्या नियमित फेरीत दोन हजार ३७० विद्यार्थ्यांनी प्रवेश घेतले आहेत. चार हजार ८९५ विद्यार्थ्यांची निवड झालेली असताना, उर्वरित विद्यार्थ्यांना प्रवेशासाठी शनिवारी (ता. १३) अखेरची मुदत असेल. दरम्‍यान, तिसऱ्या नियमित फेरीचे वेळापत्रक जाहीर झाले असून, रविवार (ता. १४) पासून प्रवेशप्रक्रियेला सुरवात होईल. अकरावीचे अद्याप केवळ साडेआठ हजार जागांवर प्रवेश झाले आहेत. ( last chance to apply for Junior College Admission Class XI )

अद्यापही मोठ्या प्रमाणात जागा रिक्‍त आहेत. दरम्‍यान, यापूर्वी पहिल्‍या फेरीत सहा हजार ५७ विद्यार्थ्यांनी प्रवेश घेतले होते. दुसऱ्या फेरीत निवड झालेल्‍या चार हजार ८९५ पैकी दोन हजार ३७० विद्यार्थ्यांनी प्रवेश घेतले आहेत. या फेरीत प्रवेशाची शेवटची मुदत शनिवारी संपेल. सर्वाधिक तीन हजार ८४७ विद्यार्थ्यांनी विज्ञान शाखेत, तीन हजार ४८ विद्यार्थ्यांनी वाणिज्‍य शाखेत, तर एक हजार ३८८ विद्यार्थ्यांनी प्रवेश फेरीतून आपले प्रवेश निश्‍चित केले आहेत. अद्यापही ६६ टक्‍के जागा रिक्‍त असून, पुढील प्रक्रियेत प्रवेशास कशा स्वरूपात प्रतिसाद मिळतो, याकडे लक्ष लागून राहणार आहे. (latest marathi news)

तिसऱ्या फेरीचे वेळापत्रक

अर्जाचा भाग एक, भाग दोन भरणे ः १४ ते १७ जुलै

महितीच्‍या प्रक्रियेसाठी राखीव मुदत ः १८ व १९ जुलै

तिसऱ्या फेरीची निवड यादीची प्रसिद्धी ः २२ जुलै

यादीतील विद्यार्थ्यांना प्रवेशाची मुदत ः २२ ते २४ जुलै