नाशिक : कुसुमाग्रज प्रतिष्ठान व महाराष्ट्र राज्य साहित्य आणि संस्कृती मंडळ आयोजित हास्यरंग साहित्य संमेलनाचे आयोजन २ व ३ मार्च रोजी कुसुमाग्रज स्मारक येथे केल्याची माहिती कुसुमाग्रज प्रतिष्ठानचे सदस्य व लेखक, कवी प्रकाश होळकर यांनी पत्रकार परिषदेत दिली. यावेळी प्रतिष्ठानचे लोकेश शेवडे, अरविंद ओढेकर, ॲड. विलास लोणारी उपस्थित होते. (nashik Hasyarang Ashitya Sammelan marathi news)

दोन दिवसीय या संमेलनाचे उद्घाटन २ मार्च रोजी सायंकाळी ५ वाजता होणार आहे. ज्येष्ठ विडंबनकार रामदास फुटाणे (पुणे) संमेलनाचे अध्यक्ष तर उद्घाटक लेखक, दिग्दर्शक सचिन गोस्वामी (मुंबई) असणार आहेत. प्रमुख अतिथी म्हणून महाराष्ट्र साहित्य परिषदेचे कार्याध्यक्ष प्रा. मिलिंद जोशी व कुसुमाग्रज स्मारक समितीचे अध्यक्ष हेमंत टकले उपस्थित राहणार आहेत.

दोन दिवसीय कार्यक्रम असे :

शनिवार (ता.२) सायंकाळी ६.३० वाजता, कार्यक्रम : विनोदी कथाकथन, सहभाग : प्रसिद्ध कथाकार अप्पासाहेब खोत (कोल्हापूर) आणि संजय कळमकर (अहमदनगर).

रविवार (ता.३) मार्च सकाळी १०.३० वाजता, कार्यक्रम : व्यंगचित्र निर्मिती आणि अनुभूती सहभाग : प्रसिद्ध व्यंगचित्रकार प्रशांत कुलकर्णी (मुंबई), गजू तायडे (पुणे). (Latest Marathi News)

रविवार (ता.३) दुपारी १२ वाजता परिसंवाद : आजच्या साहित्यातील विनोद सहभाग : ज्येष्ठ समीक्षक डॉ. रमेश वरखेडे, ज्येष्ठ समीक्षक डॉ. रणधीर शिंदे (कोल्हापूर), ज्येष्ठ पत्रकार श्रीकांत बोजेवार (मुंबई).

रविवार (ता.३) सायंकाळी ५ वाजता समारोप समारंभ, सहभाग : ज्येष्ठ विडंबनकार रामदास फुटाणे, प्रसिद्ध कवयित्री, चित्रकार मीनाक्षी पाटील, लेखक, पटकथाकार अरविंद जगताप, कवयित्री सिसिलिया कार्व्हालो.

रविवार (ता.३) सायंकाळी ६.३० वाजता हास्य कविसंमेलन, सहभाग : बंडा जोशी (पुणे), इंद्रजित घुले (मंगळवेढा), अनिल दीक्षित (पुणे), नरेश महाजन (नाशिक), शरद धनगर (अमळनेर), गुंजन पाटील (छत्रपती संभाजीनगर), प्रमोद अंबडकार (नाशिक) सूत्रसंचालन अरुण म्हात्रे करणार आहेत.