Nashik Lok Sabha Election 2024 : पोलीस आयुक्त संदीप कर्णिक यांनी नाशिककरांना लोकसभा निवडणुकीसाठी मतदान करण्याचे आवाहन सोशल मीडियावरून केले होते. तर, आयुक्तांनी स्वत: पोस्टल मतपत्रिकेद्वारे आपला मतदानाचा हक्क बजावत जागरुक नागरिक असल्याचे दाखवून दिले. (Nashik Lok Sabha Election 2024 Police Commissioner cast his right to vote)

नाशिक लोकसभा मतदार संघासाठी सोमवारी (ता.२०) मतदान प्रक्रिया पार पडली. मतदानाच्या दिवशी नोकरदार मतदारांना सुट्टी तर, खासगी नोकरदारांना कंपन्यांकडून किमान दोन तासांची सुट्टीही दिली गेली. परंतु तरीही बहुतांशी मतदार हे मतदान करण्याऐवजी पर्यटन करण्यासाठी परगावी जातात.

या पार्श्वभूमीवर पोलीस आयुक्त संदीप कर्णिक यांनी दोन दिवसांपूर्वीच सोशल मीडियाद्वारे नाशिककरांना मतदान करण्याचे आवाहन केले होते. त्यांच्या या आवाहनाला सोशल मीडियावरील सुमारे दीड-पावणे दोन लाख व्हिव्युज मिळाले होते. (latest marathi news)

तसेच, आयुक्त कर्णिक हे मुंबईतील मुलूंड येथील मतदार आहेत. नाशिक व मुंबईत एकाच दिवशी मतदानाची प्रक्रिया होती. त्यामुळे पोलीस आयुक्तांनी दोन दिवसांपूर्वी पोस्टल मतदान प्रक्रियेचा लाभ घेतला आणि मतदानाचा हक्क बजावला आहे. त्यासंदर्भातील फोटो आयुक्तांनी सोशल मीडियावरील शहर पोलीस आयुक्तालयाच्या ‘एक्स’, फेसबुक, इन्स्ट्राग्राम हॅण्डलवर व्हायरल केले आहे.