नाशिक : इंदिरानगर परिसरात राहणाऱ्या मनोरुग्ण महिलेने राहत्या घरासमोरील झाडाला ओढणीच्या सहाय्याने गळफास घेत आत्महत्ता केल्याची घटना घडली. देवी हिरालाल रावत (४२, रा. पाटील गार्डन बिल्डिंग-३, इंदिरानगर) असे महिलेचे नाव आहे. (Latest Marathi News)

हिरालाल रावत यांच्या फिर्यादीनुसार, त्यांची पत्नी देवी यांच्यावर गेल्या वर्षभरापासून मुंबई नाका परिसरातील खासगी रुग्णालयात उपचार सुरू होते. दरम्यान, त्यांनी शनिवारी (ता.६) पहाटे ३ ते ७ च्या दरम्यान घराजवळील आंब्यांच्या झाडाला ओढणीच्या सहाय्याने गळफास लावून घेत आत्महत्त्या केली. याप्रकरणी इंदिरानगर पोलिसात नोंद करण्यात आली असून, उपनिरीक्षक बी.आर. हादगे हे तपास करीत आहेत.