Nashik Monsoon : जिल्ह्यात पावसाचा जोर कमी झाला असून, शहरासह जिल्ह्यातील अनेक भागांत रविवारी (ता. २८) पावसाने उघडीप दिली. रविवारी सकाळी साडेआठपर्यंतच्या २४ तासांमध्ये जिल्ह्यात सरासरी ३.२ मिलिमीटर पावसाची नोंद झाली. शहरातही दिवसभरात केवळ ०.८ मिलिमीटर पाऊस नोंदविला गेला. आठवडाभरात काही दिवस चांगला पाऊस झाला. ( Monsoon intensity of rain is less in district )

त्यामुळे अनेक धरणांची पातळी वाढण्यास मदत झाली. पाणलोट क्षेत्रात पाऊस झाल्याने पाणीचिंताही मिटली आहे. परंतु, दोन दिवसांपासून पावसाचा जोर पुन्हा कमी झाला असून, काही तालुक्यांत तुरळक पावसाच्या सरी कोसळल्या आहेत. पेठ तालुक्यात १६.७, त्र्यंबकेश्वरमध्ये १२.०, इगतपुरीत ११.६, सुरगाण्यात ८.५, दिंडोरीत ७.० मिलिमीटर पावसाची नोंद झाली. चांदवडमध्ये १.७, कळवणमध्ये १.६, नाशिक तालुक्यात १.३, तर सिन्नरमध्ये १.२ मिलिमीटर पावसाची नोंद झाली आहे. (latest marathi news)

जिल्ह्यात जुलैमध्ये १५ तालुक्यांमध्ये सरासरी १७४.४ मिलिमीटर पाऊस होणे अपेक्षित आहे. १ ते २८ जुलै या कालावधीत २२९.१ मिलिमीटर पाऊस झाला. जुलैमधील सरासरीच्या ८२ टक्के पावसाची नोंद झाल्याची माहिती जिल्हा प्रशासनाने दिली आहे. त्यापैकी चार तालुक्यांत पावसाने सरासरी ओलांडली. दिंडोरीत १५८, येवल्यात १३३, चांदवड आणि त्र्यंबकेश्वरमध्ये ११७.४ मिलिमीटर पाऊस नोंदविला गेला आहे.