Nashik News : हवामान खात्‍याने पावसाचा अंदाज वर्तविला असला तरी मंगळवारी (ता.९) दिवसभर शून्‍य मिलिमीटर पावसाची नोंद झाली. दिवसभर ढगाळ वातावरण राहिल्‍याने पार्यात वाढ झाली होती. पावसाने दडी मारली असली तरी आद्रतेमुळे उकाडा वाढला होता. यंदाच्‍या पावसाळी हंगामात रिमझिम सरींनी फारसा दिलासा मिळू शकलेला नाही. एकीकडे राज्‍यभर मुसळधार पाऊस सुरु असून, जनजीवन विस्कळित झाल्‍याचे दृष्य समोर येत आहेत. (Nashik Monsoon Update)
मुंबईला विक्रमी पावसाची नोंद झालेली असताना, पुण्यातही मुसळधार पावसाचा अंदाज पाहता शाळा, महाविद्यालयांना सुट्टी जाहीर करण्यात आली होती. राज्‍यातील इतर शहरांमध्येही मुसळधार पावसाची नोंद घेण्यात आली आहे. परंतु नाशिकमध्ये केवळ पावसाचा शिरकाव होत असल्‍याने नागरिकांच्‍या चिंतेत वाढ झालेली आहे.
हवामानखात्‍याने नाशिकसाठीदेखील अलर्ट देताना मंगळवारी विजेच्या कडकडाटासह जोरदार पावसाचा अंदाज व्‍यक्‍त केला होता. मात्र दिवसभर पाऊस बरसला नाही. सकाळी अकराच्‍या सुमारास शहरातील अनेक भागात ऊन पडले होते. (latest marathi news)
यानंतर आकाश ढगांनी दाटले होते. परंतु सायंकाळी उशिरापर्यंत पाऊस बरसला नाही. आद्रतेत वाढ झाल्‍यामुळे उकाड्यामध्ये कमालीची वाढ झाली होती. दरम्‍यान मंगळवारी किमान तापमान २२.४ अंश सेल्सिअस, कमाल तापमान २९.४ अंश सेल्‍सीयसची नोंद घेण्यात आली आहे.
जुलै महिना कोरडा
मे महिन्‍यात वाळवीचा पाऊस झाल्‍यानंतर जूनमध्येही काहीप्रमाणात रिमझिम पाऊस झाला होता. परंतु जुलैमधील एकूण नऊ दिवसांपैकी पहिला दिवस वगळता इतर बहुतांश दिवस कोरडेच राहिले. १ जुलैला जोरदार पाऊस झालेला असताना, सुमारे चाळीस मिलिमीटर पावसाची नोंद घेण्यात आली होती. त्‍यानंतरचे दिवस कोरडेठाक राहात आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.