Nashik News : महापालिका हद्दीमध्ये झिका रुग्ण येऊन उपचाराअंती निघून गेल्यानंतरही महापालिकेच्या वैद्यकीय विभागाला याची माहिती नसल्याने याची दखल राज्याच्या आरोग्य विभागाने घेतली आहे. पुणे शहरात झिका रुग्ण आढळला. त्याअनुषंगाने नाशिक महापालिकेने खबरदारी घेण्यास सुरवात केली आहे. (Municipal Corporation hid information of Zika patients)

मात्र पुणे शहरात झिकाचा रुग्ण आढळण्याआधीच नाशिक शहरात झिकाचा संसर्ग झालेल्या रुग्णाचा प्रवेश झाला व उपचार घेऊन परतला. नगर जिल्ह्यातील संगमनेर येथील एका ६६ वर्षीय पुरुष व्यक्तीला झिकाची लागण झाली होती. नाशिकमध्ये एका खासगी रुग्णालयात उपचार घेऊन संबंधित व्यक्ती घरी परतला. संबंधित रुग्णालयाने नाशिक महापालिकेच्या वैद्यकीय विभागाला कळविलेदेखील.

मात्र पालिकेच्या वरिष्ठ अधिकाऱ्यांना याबाबत माहिती नसल्याने आश्चर्य व्यक्त केले जात आहे. दरम्यान, राज्यात झिकाचा रुग्ण नाशिकमध्ये येऊन उपचार करून गेला असला तरी भीतीचे कुठलेही कारण नसल्याचे महापालिकेच्या वैयक्तिक विभागाकडून सांगण्यात आले. डेंगीप्रमाणेच झिका विषाणूंचा संसर्ग होतो. (latest marathi news)

निरोगी व्यक्तीला झिका बाधित डास चावतो, त्या व्यक्तीला संसर्ग होतो. ताप येणे, त्वचेवर पुरळ येणे, डोळ्यातील बुबुळाच्या भागांमध्ये जळजळ होणे, स्नायू दुखी, सांधे दुखी, अस्वस्थता व डोकेदुखी ही प्रमुख लक्षणे आहे.

दरम्यान, महापालिकेने झिकाचा रुग्ण शहरात दाखल झाल्याची कबुली दिली आहे. सदर रुग्ण हा संगमनेरचा होता. खासगी रुग्णालयात दाखल केल्यानंतर त्याचा अहवाल पॉझिटिव्ह आल्याचे डॉ. नितीन रावते यांनी सांगितले.