Nashik News : राज्य विधी सेवा प्राधिकरणाच्या आदेशानुसार जिल्हा न्यायालयात २७ जुलै रोजी राष्ट्रीय लोक अदालतीचे आयोजन करण्यात आले असून नागरिकांनी आपली प्रलंबित प्रकरणे यामध्ये दाखल करून तडजोडीतून न्याय मिळवून घ्यावा असे आवाहन जिल्हा विधी प्राधिकरणचे सचिव न्या. मिलिंद बुराडे यांनी केले आहे. (National Lok Adalat will be held on 27th)
जिल्हा न्यायलय तसेच जिल्ह्यातील इतर न्यायालयात राष्ट्रीय लोक अदालत होत आहे. यामध्ये दिवाणी, तडतोडपात्र, फौजदारी, मोटार अपघात, नुकसान भरपाई, कौटुंबिक वाद, भुसंपादन, बँका, वित्तीय संस्था तसेच शासकीय अस्थापनांची थकीत वसुली अशी दाखलपुर्व प्रकरणे तसेच प्रलंबित प्रकरणांचा निपटारा करण्यात येणार आहे.
त्यासाठी वित्तीय संस्था, बँका, महावितरण, महापालिका, जिल्हा परिषद, विमा कंपन्या, शासकीय कार्यालये यांच्यासह वकील संघाच्या पदाधिकार्यांच्या बैठका घेऊन पूर्व तयारी करण्यात आली आहे. (latest marathi news)
लोकअदालतीसाठी प्रलंबित प्रकरणांपैकी सुमारे १२ हजार ६६ प्रकरणे ठेवण्यात आली आहेत. तर, दाखलपूर्व प्रकरणांमध्ये १६ हजार ३५१ प्रकरणे लोक अदालतीमध्ये ठेवण्यात येणार आहे.
तसेच, मोटार वाहन कायद्यांतर्गत दाखल करण्यात आलेले प्रकरणे लोकन्यायालयामध्ये ठेवण्यात आलेले आहेत. तरी जास्तीत जास्त प्रकरणे तडजोडीने सोडविण्यासाठी प्रयत्न करावेत असे आवाहन जिल्हा न्यायधीश एस.डी. जगमलानी यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.