मालेगाव : शहराजवळील म्हाळदे शिवारात घरगुती प्रसूती करण्याचा महिलेच्या कुटुंबीयांचा प्रयत्न या महिलेच्या जिवावर बेतला. ज्योती संतोष वाघ (वय २८, रा. म्हाळदे) या महिलेची रविवारी (ता.४) दुपारी दोनच्या सुमारास घरी प्रसूती झाली.
बाळंत झाल्यानंतर अतिरक्तस्रावामुळे तिला चक्कर येऊ लागली. अत्यवस्थ स्थितीत तिला पती संतोष वाघ याने सामान्य रुग्णालयात उपचारासाठी दाखल केले. येथील डॉ. सुमैय्या अन्सारी यांनी तपासून तिला मृत घोषित केले. पोलिस नाईक सचिन अहिरे यांच्या माहितीवरून पवारवाडी पोलिस ठाण्यात आकस्मिक मृत्यूची नोंद करण्यात आली आहे.
हेही वाचा: शेतमजूर ते कॅनाॅल मॅन...जाणून घ्या एक यशोगाथा....
महापालिका रुग्णालयांसह सामान्य रुग्णालयातही मोफत प्रसूती सुविधा असताना घरगुती प्रसूती करणे या महिलेच्या जिवावर बेतले. ही बाब लक्षात घेता शहरातील महिलांनी आरोग्यसुविधेचा लाभ घेतला पाहिजे. महिलांनी प्रसूतिपूर्व व प्रसूतिपश्चात काळजी घेणे आवश्‍यक आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.