Nashik News : राज्यातील होमगार्ड भरतीला प्रारंभ झाला आहे. त्यानुसार, नाशिक जिल्ह्यातील रिक्त १३० होमगार्ड जागांसाठी उद्यापासून (२६) ऑनलाईन नोंदणी करता येणार आहे. उमेदवारांना १४ ऑगस्टपर्यंत ऑनलाईन अर्ज करता येणार आहे. (Online Registration for Home Guard Recruitment from Tomorrow)

राज्यातील सुमारे ९ हजार ७०० रिक्त होमगार्डस्‌ जागांसाठी भरतीची प्रक्रिया सुरू झाली आहे. या नुसार नाशिक जिल्ह्यातील रिक्त असलेल्या १३० होमगार्डससाठी भरतीची प्रक्रिया होणार आहे. यासाठी जिल्ह्यातील उमेदवारांनी https://maharashtracdhg.gov.in/mahahg/login1.php या संकेतस्थळावर ऑनलाईन अर्ज करावा, असे आवाहन होमगार्डचे जिल्हा समादेशक तथा अपर पोलीस अधीक्षक आदित्य मिरखेलकर यांनी केले आहे.

इगतपुरी, सिन्नर, निफाड, नाशिक शहर या तालुक्यातील पथक व पोलीस स्टेशन हद्दीत राहणाऱ्या आणि होमगार्डमध्ये सेवा करू इच्छिणाऱ्या उमेदवारांनीच नोंदणी करावी. या अनुशेषामध्ये बदल करण्याचा अधिकार जिल्हा समादेशक (होमगार्ड), नाशिक यांना आहे. (latest marathi news)

तालुकानिहाय पथकातील अनुशेष

इगतपुरी :- पुरूष २५, महिला ५ एकूण - ३०,

सिन्नर :- पुरूष २५, महिला ५ एकूण - ३०,

निफाड :- पुरूष १५, महिला ०० एकूण - १५

नाशिक शहर :- पुरूष ४४, महिला ११ एकूण - ५५