Nashik News : नाशिकमधून एक अत्यंत वाईट बातमी समोर आली आहे. ती म्हणजे धोंड्यासाठी माहेरी आलेल्या मुलाचा तिच्या आई बरोबर विजेच्या धक्क्याने मृत्यू झाला आहे. यामुळे परिसरात हळहळ व्यक्त केली जात आहे.

नाशिक जिल्ह्यातील ओझरमध्ये हा प्रकार घडला आहे. दत्तनगर परिसरातील मुलगी बऱ्याच दिवसांनी आपल्या घरी आली होती. यामुळे घरात आनंदाचे वातावरण होते.

मुलीच्या माहेरच्या घरी एक पेरूचे झाड आहे.पेरू खाण्यासाठी मुलगी गच्चीवर गेली होती. यावेळी पेरूच्या झाडाला लागलेले पेरू तोडतांना उच्चदाबाच्या तारांना तिच्या हातातील लोखंडी रॉड लागला. आणि मुलीला विजेचा जोरदार धक्का बसला.

तर विजेचा प्रवाह गच्चीवरील पाण्याच्या टाकीत उतरला. यामुळे पाण्याची टाकी फुटली आणि पाण्याचा करंट बसल्याने आईचा दुर्दैवी मृत्यू झाला. या ठिकाणचा मोठा आवाज ऐकून जावयाने गच्चीवर धाव घेतली. मात्र त्यांना पाण्यातील करंटने बाहेर फेकले आणि ते बचावले.

घटनेची माहिती मिळाल्याच मुलगा घराकडे परतु लागला. यावेळी त्याचा अपघात झाला. अपघातामुळे त्याची प्रकृती गंभीर आहे. या घटनेमुळे संपूर्ण ओझर शहरात शोककाळा पसरली आहे. आकांशा रणशुर आणि मीना सोनवणे अशी मृत मायलेकींची नावे आहेत.