Nashik News : अंबड आणि सातपूर पोलीस ठाण्याच्या हद्दीमध्ये दोन युवकांनी राहत्या घरांत गळफास लावून घेत आत्महत्त्या केली आहे. याप्रकरणी पोलीस ठाण्यांमध्ये अकस्मात मृत्युची नोंद करण्यात आली आहे. (Two people ended their lives in different incidents)

अंबड परिसरातील दत्तनगरमध्ये एकाने गळफास लावून घेत आत्महत्त्या केली. राहुल सुखलाल महाजन (२९, रा. दत्तनगर, कारगिल चौक, अंबड) असे मयत युवकाचे नाव आहे. राहुल याने बुधवारी (ता ३) दुपारी साडेचार वाजेच्या सुमारास घरात कोणीही नसताना बेडरुममध्ये दोरीच्या सहाय्याने गळफास लावून घेत आत्महत्त्या केली.

यप्रकरणी अंबड पोलिसात अकस्मात मृत्युची नोंद करण्यात आली आहे. अंमलदार चव्हाण तपास करीत आहेत. तर दुसऱ्या घटनेत सातपूर कॉलनीतही ३० वर्षीय युवकाने गळफास लावून घेतला. विनय नितीन विसपुते (३०, रा. एमएचबी कॉलनी, समता नगर, सातपूर कॉलनी, सातपूर) असे मयत युवकाचे नाव आहे. (latest marathi news)

विनय याने मंगळवारी (ता. २) रात्री अकराच्या सुमारस राहत्या घरात दोरीच्या सहाय्याने गळफास लावून घेतला होता. भाऊ निखिल याने त्यस उपचारासाठी जिल्हा रुग्णालयात दाखल केले असता, वैद्यकीय अधिकाऱ्यांनी तपासून मयत घोषित केले. याप्रकरणी सातपूर पोलिसात अकस्मात मृत्युची नोंद करण्यात आली असून, सहायक उपनिरीक्षक पाटील हे तपास करीत आहेत. आत्महत्तेमागील कारण समजू शकलेले नाही.