Rain water accumulated in fields in Nanduri area. esakal
नाशिक

Nashik Unseasonal rain News : नांदुरी, सप्तशृंगगड परिसरास वादळासह पावसाने झोडपले

Nashik News : नांदुरी, सप्तश्रृंगगड परिसरात आज दुपारी साडेचारच्या सुमारास अचानक वादळी वारा व विजांच्या कडकडाटासह पावसाला सुरवात झाली.

योगेश सोनवणे : सकाळ वृत्तसेवा

पिंपळगाव : नांदुरी, सप्तश्रृंगगड परिसरात आज दुपारी साडेचारच्या सुमारास अचानक वादळी वारा व विजांच्या कडकडाटासह पावसाला सुरवात झाली. अतिपावसामुळे सप्तशृंगगड घाट रस्त्यात लहान-मोठे दगड पडले होते. नांदुरी-सप्तशृंगगड मार्गावर व्यावसायिकांनी थाटलेल्या दुकानांचेही मोठ्या प्रमाणात नुकसान झाले. (Unseasonal rain with storm in Nanduri Saptshringigarh area)

बुधवारी (ता. ८) दुपारपासूनच आकाशात ढग जमा व्हायला सुरवात झाली होती. परिसरात मोठ्या प्रमाणात उकाडा जाणवत होता. दुपारी साडेचारच्या सुमारास मोठ्या प्रमाणात वादळी वारा व विजांच्या कडकडाटासह पावसाला सुरवात झाली. घाट परिसरात मोठ्या प्रमाणात पाऊस कोसळल्याने रस्त्यावरून पाणी वाहत होते.

या वेळी देवीचे दर्शन घेऊन परतणाऱ्या भाविकांची मोठी तारांबळ उडाली. वादळी वाऱ्यामुळे दुचाकीस्वारांची मोठी धावपळ झाली. या दरम्यान सप्तशृंगगड घाट परिसरातील काही भागात अतिपावसामुळे लहान-मोठे दगड पडले होते. पावसाचे रौद्र रूप पाहून गडावरून देवी दर्शन घेऊन परतणारी काही मोठी वाहने घाट रस्त्यातून पुन्हा गडाकडे परतली. (latest marathi news)

रस्त्यावर झाडाच्या फांद्या पडलेल्या पाहायला मिळाल्या. नांदुरी परिसरात पोलिस प्रशासनाने चैत्र यात्रा व उन्हाळी सुट्यांत भाविकांची संभाव्य गर्दी लक्षात घेऊन वाहतुकीच्या दृष्टीने उभारलेले बॅरिकेड्‌स वादळी वाऱ्याने मुख्य रस्त्यावर अस्ताव्यस्त झाल्याचे दिसत होते. घाट परिसरात दगड पडल्याने काही काळ सप्तशृंगगड घाट रस्ता पोलिस प्रशासनातर्फे वाहतुकीसाठी बंद करण्यात आला होता.

त्यानंतर आपत्कालीन विभागाच्या कर्मचाऱ्यांनी रस्त्यावरील दगड बाजूला करीत घाट रस्ता पुन्हा वाहतुकीसाठी खुला केला होता. नांदुरी परिसरातील शेतांमध्ये पावसाचे पाणी साचल्याचेही पाहायला मिळाले. पावसाळा सुरू झाल्याचा भास काही काळ परिसरातील शेतकऱ्यांना होत होता. महिनाभरातील उकाड्यापासून परिसरातील नागरिकांना बुधवारी झालेल्या पावसामुळे काहीसा दिलासा मिळाला.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Maharashtra Assembly Election 2024 Results Live Updates: राज्यातील सर्व मतदारसंघांच्या निकालाचे अपडेट्स एका क्लिकवर

Pune Online Fraud : ‘डिजिटल अरेस्ट’ करून आयटी अभियंत्याला सहा कोटींचा गंडा; सेवानिवृत्तीला काही महिने शिल्लक असताना बॅंक खाते रिकामे

Constitution of India : आणीबाणीतील सर्वच निर्णय रद्द करण्यासारखे नाहीत; सर्वोच्च न्यायालयाचे महत्त्वपूर्ण निरीक्षण

Pollution : बालकांचे भविष्य संकटात! दिल्लीसह उत्तर भारतात राष्ट्रीय प्रदूषण आणीबाणीची स्थिती; राहुल गांधींकडून चिंता व्यक्त

JP Nadda : अराजकाला काँग्रेसकडून चिथावणी; मणिपूर हिंसाचारप्रकरणी भाजपाध्यक्ष जे. पी. नड्डा यांचा आरोप

SCROLL FOR NEXT