पंचवटी : तीन दिवसांपासून परतीच्या पावसाने चांगलीच हजेरी लावली आहे. त्यामुळे पालेभाज्यांची आवक घटली असून, ती २० ते २५ टक्क्यांवर आलेली आहे. पालेभाज्या नाशवंत, त्यात पावसाचा फटका बसतो. सद्यःस्थितीत पालेभाज्या आवक घटली असली तरी चांगल्या प्रतिच्या पालेभाज्यांना चांगला बाजारभाव मिळत आहे. मात्र, पावसाने खराब झालेल्या मालाला प्रतवारीनुसार बाजारभाव मिळत आहे. (vegetables hit by rain import decreased)

नाशिक बाजार समितीत सद्यःस्थितीत नाशिक, सिन्नर, दिंडोरी, पिंपळगाव, त्र्यंबकेश्वर आदी भागांतून पालेभाज्या व फळभाज्या येत आहेत. बाजार समितीत खरेदी केलेला शेतमाल हा मुंबई, गुजरात अहमदाबादकडे पाठविला जातो आणि काही प्रमाणात हा स्थानिक विक्रीसाठी व्यापारी खरेदी करत असतात. मात्र, तीन दिवसांपासून पाऊस सुरू असल्याने त्याचा फटका पालेभाज्यांना बसला असून मालाच्या प्रतवारीनुसार बाजारभाव मिळत आहे.

बाजार समितीत शुक्रवार (ता.२७ ) झालेल्या लिलावात सायंकाळी गावठी कोथिंबीर किमान १५ ते सर्वाधिक ११० रुपये जुडी, चायना कोथिंबीर किमान १० ते ७९ रुपये जुडी, मेथी १० ते ४१ रुपये जुडी, शेपू १० ते ३२ रुपये जुडी, कांदापात २० ते ४५ रुपये जुडीला भाव मिळाला आहे. तेच किरकोळ बाजारात कोथिंबीर, मेथी,शेपू, कांदापात यांची जुडी छोटी करून डबल बाजार भावाने विक्री होत आहेत. (latest marathi news)

फळभाज्यांचे बाजारभाव"

लिलावात काकडी ७ ते १५ रुपये किलो, दुधी भोपळा १० ते १८ रुपये प्रतिकिलो, गिलके १२ ते २० रुपये किलो, कारले ५ ते १५ रुपये प्रतिकिलो, दोडका १५ ते २५ रुपये प्रतिकिलो, शिमला मिरची ४० ते ५५ रुपये प्रतिकिलो, हिरवी मिरची ३० ते २५ रुपये प्रतिकिलो रुपये, वाटाणा १२० ते १२५ रुपये प्रतिकिलो, वाल ३० ते ३५ रुपये प्रतिकिलो, गवार १५ ते २९ रुपये प्रतिकिलो, घेवडा २० ते ३० रुपये प्रतिकिलो, गाजर २० ते २५ रुपये प्रतिकिलो, वांगी १० ते १७ रुपये प्रतिकिलो, भेंडी ५ ते १५ रुपये प्रतिकिलो, टॉमेटो १५ ते ४२ रुपये ५० पैसे प्रतिकिलो, असे दर मिळाला आहे. किरकोळ विक्रेत्यांकडे हेच दर प्रतिकिलो तीस ते चाळीस रुपये वाढीव असतात.