Nashik News : जोपूळ, ता. दिंडोरी शिवारात पालखेड धरणाच्या कालव्यात पोहण्यासाठी गेलेल्या तरुण बुडून वाहून गेल्याची घटना घडली असून याबाबत सायंकाळी उशिरा पर्यंत युवकाची शोध मोहीम सुरू आहे, मात्र उद्याप पर्यंत युवक मिळून आलेला नसल्याची माहिती पोलिसांकडून देण्यात आली आहे. याबाबतची घटना अशी की, पालखेड धरणातून सध्या आवर्तन सोडण्यात आलेले असल्याने पालखेड धरणाच्या कालव्यातून पाण्याचा विसर्ग सुरु आहे. (youth who went to swim in Palkhed dam canal got washed away )

हेमंत गोरखनाथ कडलग, वय २६ हे रा. पाचोरेवणी, ता. निफाड सध्या रा. अशोक नगर सातपूर हे जोपूळ येथे मामा व सासरे बाळासाहेब जाधव यांच्याकडे आले होते. तसेच त्यांची जोपूळ येथे शेत जमिनही आहे. दुपारी साडे चार वाजेच्या दरम्यान पालखेड धरणाच्या कालव्यास पाणी सोडले असल्यामुळे दुपारी पोहण्यास गेले होते.

पोहताना कालव्याच्या पाण्याचा वेग, कालव्याच्या खोलीचा अंदाज न आल्याने ते बुडून वाहून गेले याबाबतची माहिती कळल्यानंतर आसपासच्या शेतकरी व युवकांनी पाठात शोध घेण्याचा प्रयत्न करून याबाबतची माहिती वणी पोलिसांना कळवली.

पोलिसांनी घटनास्थळी धाव घेवून स्थानिक पोहणाऱ्या युवकांच्या मदतीने मृतदेह शोधण्याचा प्रयत्न केला. तसेच उशिरा सायखेडा येथील आपत्ती व्यवस्थापन पथकास पाचारण करण्यात आल्याची माहीती असून अद्याप बेपत्ता युवकाचा शोध लागलेला नव्हता.