Nashik News : पंचवटीतील रामवाडीमध्ये महापालिकेच्या सफाई कर्मचाऱ्याने गळफास घेत आत्महत्या केल्याची घटना घडली. कौटुंबिक कारण व तणावातून आत्महत्या केल्याचे प्राथमिक तपासातून समोर येते आहे. (NMC cleaning worker commits suicide by hanging himself Nashik News)
योगेश विजय गोहिल (३१, रा. श्रद्धा पार्कजवळ, रामवाडी, पंचवटी) असे मृत कर्मचाऱ्याचे नाव आहे. योगेश यांनी शनिवारी (ता. २४) दुपारी साडेतीन ते चारपूर्वी राहत्या घरात मफलरीच्या सहाय्याने गळफास घेत जीवन संपविले.
घटनेची माहिती समजताच पंचवटी पोलिस ठाण्याचे सहायक निरीक्षक डी. पी. खैरनार, पोलिसनाईक बाविस्कर घटनास्थळी दाखल झाले.
योगेशच्या मित्रांनी व कुटुंबाने उपचारासाठी जिल्हा रुग्णालयात दाखल केले असता वैद्यकीय अधिकाऱ्यांनी तपासून मृत घोषित केले. याबाबत पंचवटी पोलिसांत आकस्मिक मृत्यूची नोंद करण्यात आली आहे.
हेही वाचा : Credit Card फसवणूक....काय घ्याल काळजी?
दरम्यान, योगेश सध्या आरटीओ भागात सफाई कर्मचारी म्हणून नियुक्त होता. त्याच्या मागे मनपातून मुकादम पदावरून निवृत्त झालेले वडील विजय, आई, तीन बहिणी असा परिवार आहे.
दरम्यान, कौटुंबिक समस्या व तणावातून योगेश मद्याच्या आहारी गेला होता. नशेतच त्याने गळफास घेतल्याचे घटनास्थळावरील पाहणीवरून दिसते. त्याच्या आत्महत्येचे नेमके कारण समजू शकलेले नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.