नाशिक : महापालिकेच्या अग्निशमन व वैद्यकीय विभागातील जवळपास ७०० पदे भरण्यासाठी टीसीएस कंपनीची नियुक्ती करण्यात आली आहे.
‘टीसीएस’ मार्फत भरती प्रक्रिया अंतिम टप्प्यात आली आहे. त्याचबरोबर आता भरती करण्यासाठी आयुक्तांच्या अध्यक्षतेखाली कर्मचारी निवड समिती गठित करण्यात आली आहे. (NMC Recruitment Selection committee formed for recruitment of vacancies nashik news)
नाशिक महापालिकेला क वर्ग दर्जा असल्याने १९९५ मध्ये ७०९२ पदांचा आकृतिबंध शासनाने मंजुरी केला होता. त्यानंतर महापालिकेचा ब संवर्गात समावेश झाला. त्यानुसार नवीन आकृतिबंध सादर करण्यासाठी शासनाने सूचना दिल्या.
महापालिका प्रशासनाकडून जवळपास १४ हजार पदांचा आकृतिबंध शासनाला सादर करण्यात आला. त्यापूर्वी कोरोनाकाळात तातडीची बाब म्हणून अग्निशमन विभागातील ३४८ व वैद्यकीय विभागातील ३५८ अशा ७०६ पदांच्या भरतीला शासनाने मंजुरी दिली.
डॉक्टरांची ८२ पदे वगळता उर्वरित पदे भरण्यासाठी नाशिक महापालिकेने टाटा कन्सल्टन्सी सर्व्हिसेस कंपनीची नियुक्ती केली आहे. या कंपनीच्या माध्यमातून रिक्त पदांची भरती केली जाणार आहे.
सरळ सेवा भरती संदर्भात व इतर आनुषंगिक कामे करण्यासाठी आयुक्त डॉ. अशोक करंजकर यांच्या अध्यक्षतेखाली कर्मचारी निवड समिती गठित करण्यात आली आहे.
समितीमध्ये अतिरिक्त आयुक्त प्रदीप चौधरी व कर उपायुक्त श्रीकांत पवार व मुख्य लेखापरीक्षक प्रतिभा मोरे यांचा समावेश करण्यात आला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.