नाशिक : शहरातील रुग्णालयांना महापालिकेच्या वैद्यकीय विभागाकडे नोंदणी करण्याबरोबरच परवाना नूतनीकरण करणे बंधनकारक आहे. परंतु जवळपास ७६ रुग्णालयांनी अशा प्रकारचे कुठलीच परवानगी न घेतल्याने त्यांना वैद्यकीय विभागाकडून नोटीस पाठवून सात दिवसात कागदपत्रे सादर न केल्यास नोंदणी प्रक्रिया रद्द करण्याच्या सूचना दिल्या आहेत. (Notices to 76 hospitals in city Nashik NMC News)
हेही वाचा : 'पठाण'..आणि २०२३ मधले बाॅलीवूड..कसे असतील दिवस
मुंबई शुश्रूषा गृहे अधिनियम १९४९ व सुधारित नियम २००६ व २०१३ नुसार खासगी रुग्णालयांना नोंदणी बंधनकारक आहे. महापालिका हद्दीमध्ये ६३८ रुग्णालय असून, त्यातील ४५२ नोंदणीकृत आहे तर १५६ रुग्णालयांची नोंदणी प्रलंबित आहे. यातील ७६ रुग्णालयांना वैद्यकीय विभागामार्फत नोटीस पाठवली आहे.
दरम्यान, प्राप्त महितीनुसार प्रदूषण नियंत्रण मंडळ व महापालिकेकडून टोलवाटोलवी केली जात असल्याने ७६ रुग्णालय प्रशासन अडचणीत सापडले आहे. रुग्णालयाचे नोंदणी करताना नगररचना विभाग अग्निशमन विभाग इलेक्ट्रिक ऑडिटचा अहवाल दिला जातो. त्यानंतर प्रदूषण नियंत्रण मंडळाचा दाखलादेखील बंधनकारक आहे.
प्रदूषण नियंत्रण मंडळाकडे ना- हरकत दाखला घेण्यासाठी गेल्यास महापालिकेचा ना- हरकत दाखला मागितला जातो. तर, महापालिकेकडे दाखला घेण्यासाठी गेल्यास प्रदूषण नियंत्रण मंडळाचा दाखला मागून अडवणूक केली जात असल्याने रुग्णालय अडचणीत सापडले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.