जुने नाशिक : भोई गल्ली येथील एटीएममध्ये अडकलेल्या कार्डची संधी साधत संशयितांनी सुमारे एक लाख वीस हजाराची रक्कम परस्पर काढल्याची घटना तीन दिवसांपूर्वी घडली. जीत टाक भोई गल्लीत असलेल्या एटीएममध्ये मंगळवारी (ता. २१) पैसे काढण्यासाठी गेले होते. (one half lakh loot from ATM Nashik crime news)

हेही वाचा : एका मुलाखतीतून उलगडलेले भैरप्पा!

एटीएममधून पैसे तर आले नाही. एटीएम कार्ड मात्र मशिनमध्ये अडकून पडले. एटीएममध्ये असलेल्या संशयितांसह त्याच्या मित्राने श्री. टाक यांना एटीएमच्या भिंतीवर असलेल्या मोबाईल क्रमांकावर संपर्क साधण्यास सांगितले.

त्यांनी संपर्क केला असता, त्यांच्याकडून तीन वाजता इंजिनिअर येऊन मशिनमध्ये अडकलेले कार्ड काढून देण्याचे सांगण्यात आले. दरम्यान संशयितांनी कार्ड काढून देण्याचा बनाव करत वेळोवेळी बँक खात्यातून एक लाख वीस हजाराची रक्कम लंपास केली.

रक्कम काढल्याचा संदेश मोबाईलवर आल्याने त्यांनी बँकेत जाऊन घडलेली घटना सांगितली. त्वरित त्यांचे कार्ड बंद करण्यात आले. शुक्रवारी (ता. २४) पोलिसांनी दोघा संशयितांविरुद्ध गुन्हा दाखल केला.