Nashik Onion Purchase : नॅशनल को-ऑपरेटिव्ह कन्झ्युमर फेडरेशन ऑफ इंडिया (NCCF) तर्फे राज्यात एक लाख टन कांदा खरेदी केला जाणार आहे.
फेडरेशनतर्फे गुरुवारी (ता. २४) अध्यक्ष वीरेंद्र सिंग यांनी जाहीर केल्यानुसार शुक्रवारी (ता.२५) केंद्रीय ग्राहक व्यवहार विभागाने फेडरेशनला पीएसएफ योजनेंतर्गत अतिरिक्त एक लाख टन कांदा खरेदी करण्याचे आदेश दिले.
त्यानुसार फेडरेशनतर्फे जिल्ह्यातील लासलगाव, पिंपळगाव, उमराणे, मुंगसे, मालेगाव, नामपूर, मनमाड, पारनेर, झोडगे, डेरे, सोनगाव, पिंपळखोटे येथील फार्मगेट येथे सोसायट्या शेतकरी उत्पादक कंपन्यामार्फत खरेदी सुरू केली. (Onion purchase started in district by federation nashik)
औरंगाबाद जिल्ह्यातील वैजापूर आणि अहमदनगरमध्येही खरेदी सुरू आहे. मध्य प्रदेशातील फार्मगेट येथील संस्थांकडून फेडरेशनकडून कांदा खरेदी सुरू आहे.
सध्या मध्य प्रदेशात बदनावर, इंदूर आणि राजगढमध्ये तीन केंद्रे उघडण्यात आली आहेत. कांद्याची उपलब्धता आणि मागणी लक्षात घेऊन अधिक खरेदी केंद्रे उघडली जाणार आहेत.
फेडरेशनतर्फे हेल्पलाइन क्रमांक
फेडरेशनतर्फे महाराष्ट्रातील हेल्पलाइन क्रमांक उपलब्ध करून देण्यात आली आहे. त्यासाठी ०२५३-४०१३३७० या क्रमांकावर शेतकरी संपर्क साधू शकतात, असे फेडरेशनतर्फे कळविण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.