मालेगाव : शहरात रमजान ईद उत्साहात साजरी झाली. येथील पोलिस कवायत ईदगाह मैदानावर झालेल्या मुख्य नमाजपठणात लाखाहून अधिक मुस्लिमधर्मीय सहभागी झाले. येथील नमाजपठणादरम्यान एका युवकाने पॅलेस्टाइनच्या समर्थनार्थ पॅलेस्टिनी ध्वज फडकवल्याने खळबळ उडाली.

साध्या वेशातील पोलिसांनी या तरुणाला बाजूला घेण्याचा प्रयत्न केला. मात्र, जमावाची मानसिकता पाहून तूर्त कारवाई टाळण्यात आली.

पॅलेस्टिनी मुस्लिमांवर अन्याय, अत्याचार होत आहे. माणुसकीच्या नात्याने या प्रकारांचा निषेध करणे आवश्‍यक आहे. मात्र, ५० मुस्लिम राष्ट्रे या संदर्भात मूग गिळून बसली आहेत. नमाजपठणावेळी पॅलेस्टाइनचा ध्वज फडकविणाऱ्या तरुणाशी आपला कुठलाही संबंध नाही, असा खुलासा पेशेइमाम, जामा मशीदीचे मौलाना मुफ्ती मोहम्मद इस्माईल यांनी केला.