Datta Jayanti 2023 : दत्त जयंतीचे औचित्य साधत गोदाघाटावरील एकमुखी दत्त मंदिरात आठवडाभर विविध धार्मिक कार्यक्रमांचे आयोजन करण्यात आले होते.

रात्री नऊ वाजता झालेल्या महाआरतीसह पालखी सोहळ्याप्रसंगी शेकडो भाविकांनी उपस्थिती लावत दर्शनाचा लाभ घेतला.(Palkhi ceremony with Maha Aarti at Ekmukhi Datta Temple nashik news)

श्री दत्त जन्मोत्सवानिमित्त गोदाघाटावरील प्राचीन एकमुखी दत्त मंदिरात विविध धार्मिक व सांस्कृतिक कार्यक्रमांचे आयोजन करण्यात आले होते. महोत्सवानिमित्त शुक्रवारी (ता.२९) सकाळी दत्त यागाचे आयोजन करण्यात आले आहे. यागाचे हे १६ वर्ष आहे.

शनिवारी (ता.३०) पूर्णाहुती सोहळा पार पडेल. सोमवारी (ता.१) दुपारी बारा वाजता महाप्रसादाचे आयोजन करण्यात आले आहे.

मंगळवारी (ता.२) सायंकाळी सत्यदत्त महापूजा व गोपालकाल्याने उत्सवाची सांगता होईल. दरम्यान, आज रात्री नऊ वाजता झालेल्या महाआरतीसह पालखी सोहळ्यास शेकडो दत्त भक्तांनी हजेरी लावत महाआरतीसह पालखी सोहळ्याचा लाभ घेतला.