नाशिक : नाशिकच्या त्र्यंबकेश्वर येथे केरळहून आलेल्या 10 मुस्लिम तरुणांना पोलिसांनी ताब्यात घेतल्याचा प्रकार समोर आला आहे. ब्रह्मगिरी पर्वताच्या पायथ्याशी तरुण संशयितरित्या फिरत असल्याची स्थानिकांनी पोलिसांकडे तक्रार केल्यानंतर त्यांना ताब्यात घेण्यात आले आहे.

मिळालेल्या माहितीनुसार, स्थानिकांच्या तक्रारीनंतर पोलिसांकडून या मुस्लिम तरुणांची चौकशी केली जात आहे. ब्रम्हगिरी भागात थांबून फोटो, व्हिडीओ काढल्याचीही माहिती मिळत आहे. दरम्यान त्यांच्या हलचाली संशयास्पद वाटल्याने पोलिसांनी चौकशीसाठी ताब्यात घेतले असून या भागात ट्रेकिंगसाठी आल्याची तरुणांकडून पोलिसांना त्यांच्याबद्दल माहिती देण्यात आली होती.