नाशिक / सातपूर : मुलीच लग्न जमलं आहे.. पोलिस आयुक्त साहेब.. पीएफच्या फाईलवर सही करा अन्यथा आत्महत्या करावी लागेल असा हाताश झालेल्या एका कर्मचाऱ्याने कंट्रोलला फोन लावल्याचा प्रकार समोर आला आहे.

पोलीस कर्मचारीही हतबल

कोरोनाच्या काळात आनेकांचे आर्थिक परिस्थिती खालावली आहे त्यात शाळा काॅलेजचे अॅडमीशन.मुलांचे विवाह आई वडील पत्नीचे आजारपण या सह विविध समस्या सर्व सामान्य नागरिकांप्रमाणे पोलीस कर्मचाऱ्यांनाही आहेत. त्यासाठी गेल्या तीन चार महिन्यांपासून शेकडो कर्मचाऱ्यांनी आयुक्त कार्यालयात आपला पीएफ मिळावा यासाठी अर्ज दाखल केला आहे.

 पोलिसांची अपेक्षा 

मुलीच लग्न जमलं आहे.. पोलिस आयुक्त साहेब.. पीएफच्या फाईलवर सही करा अन्यथा आत्महत्या करावी लागेल असा हाताश झालेल्या एका कर्मचाऱ्याने कंट्रोलला फोन लावल्याचा प्रकार समोर आला आहे. निदान वरीष्ठ आता तरी कर्मचारीच्या समस्या बाबत लक्ष देतील अशी अपेक्षा पोलिस कर्मचारी व्यक्त करत आहेत

थेट कंट्रोललाच लावला फोन

पण गेल्या तीन महिन्यांपासून या कर्मचाऱ्याच्या फाईल संबंधित विभागाचे कर्मचारी वरिष्ठाच्या सहीसाठी ठेवत नसल्याने कर्मचारी हातबल झाले आहेत. यातील एका कर्मचाऱ्याने थेट कंट्रोललाच फोन करून मुलीच लग्न जमले आहे त्यासाठी पीएफ मिळावा म्हणून फाईल टाकली आहे. पण अडीच महिने झाले. फाईलवर वरिष्ठाची सही झाली नसल्याने पीएफ मिळाला नाही. त्यामुळे पीएफ मला मिळाला नाही तर मी पोलिस आयुक्तालयासमोर आत्महत्या करेन असा फोन केला. यावरून वरिष्ठांनी लक्ष घालून निदान पोलिस कर्मचाऱ्यांना आपला हक्काचा पैसा तरी मिळेल अशी आपेक्षा व्यक्त केली जात आहे.

हेही वाचा > भरचौकात 'त्याने' थेट वाहतूक पोलिसाच्याच श्रीमुखात भडकावली...नेमके काय घडले?

खात्यात मात्र वेगळा न्याय

पीएफ कार्यालय ऑनलाईनच्या कितीही गप्पा मारत आसले तरी पोलिस खात्याचा कारभारा बाबत मात्र आपला हात आखडता घेते. त्यामुळे इतर खाजगी कंपन्याच्या कर्मचारीना आपला हक्काचा पीएफ काढतांना ऑनलाईन अर्ज केला तर 48 तासात खात्यावर पैसे जमा होतात. पण पोलिस खात्यात मात्र वेगळा न्याय आहे. हे धोरण बदलण्याची गरज निर्माण झाली आहे. 

हेही वाचा > पहाटेची वेळ...मंदिरात आश्रयाला थांबलेले गुराखी दुर्गंधीने अस्वस्थ; शोध घेताच बसला धक्का

संपादन - ज्योती देवरे